Eri reqa’lenel le Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkib’an k’i taq tzukunem rech pa kaq’atexik ri nuk’molaj b’anol k’ax pa taq nimatinamit xuquje’ ri k’ayin awan kunb’al pa rulewal tinamit. Sib’alaj utz b’a’ upatan xub’an ri tzukunem q’atenik xb’an pa le uq’atexik taq uwach ri awan tiko’nib’al ri’ ruk’ uq’atexik ri k’ayin awan kunb’al ri’.
Eri wokajil e q’atenel awan kunb’al ri’ pa taq le tzukunem xkib’ano pa taq le k’ache’laj rech las Cruces, Petén, xuquje’ rech Momostenango ri’, Chuwimeq’ina’ ri’, xkib’an le uriqik uq’atexik uwach pa ronojel 69 mil 514 raqan ichaj tiko’n rech marihuana le katajin chik unimarik xuquje’ rechexik ri’. ri tiko’n rech awan kunb’al ri’ qaraj pa ronojel ri’ k’o 26 millones 058 mil 750 chi pwaqil rech kakoj pa qatinamit.
Eri a Marvin N, 31 ujunab’; a Dany N, 21 ujunab’; al Doren N, 36 ujunab’; xuquje’ a Pedro N, 34 ujunab’, xechap pa jun tzukunem xb’an kumal rajq’atol tzij ri MP, pa le 14 avenida 8ª calle, colonia San Luis Ramírez, Bárcenas, Villa Nueva. Eri a Pedro N taqom uchapik rumal q’atb’al tzij rumal xkam jun winaq rumal, rumal k’u ri’ xtaq uchapik pa ik’ abril rech 2024 rumal jun q’atb’al tzij rech chi la’ tinamit.
Pa le tzukunem xb’antaj ri’ k’o b’elejeb’ chi ch’aweb’al rech eqam xriqitaj ri’, keb’ chi k’aqb’alil ri xa’ e’eleq’am b’i, keb’ yab’al uchuq’ab’ ch’aweb’al, ruk’ 82 chi ub’aq’ k’aqb’al q’aq’ ri jalajoj uwach taq, jun k’aqb’al q’aq’ ri’, job’ ub’aq’ k’aqb’al q’aq’ ri’, ruk’ 88 chi k’olib’alil ruk’ marihuana, ruk’ waqxaqib’ chi k’olib’al ware rilik ruk’ cocaína, ruk’ kajib’ crack Q797 chi pwaq b’otolik, ruk’ jun tz’ib’wuj ri tz’ib’am upam ri’ rech utzijoxik ri k’ayin awan kunb’al b’anom.