Eri reqa’lenelab’ ri Subdirección General rech Análisis rech Información Antinarcótica (SGAIA) uq’ab’il ri Wokajil Ajchajin Tinamit (PNC) ri’ k’o 637,160 chi uche’al ri coca tikolik ri xriq pa le puqtzukunem xb’an pa kemonchak kuk’ ri Wokajil Ajchajin Amaq’ Iximulew pa taq ri k’ache’laj ri’ rech ri uq’ab’ tinamit rech Chahal, Alta Verapaz ri’.
Eri awan tiko’nib’al ri nimarinaq chik xuquje’ k’o chik uwach tajin kuya’o pa b’elejlajuj peraj taq juyub’ ri’ k’o rulewal tinamit ri’. Eri SGAIA xkib’ij, eri awan kunb’al eri rajil ri’ are Q15,929,000 chi pwaqilem ri’, junam kub’an ruk’ ri $2,042,179.49 chi kaxlan pwaq dólares americanos ri’.
Are chi’ xriqitajik, eri wokajil ajchajinelab’ e’antinarcóticas ri’ kuk’ ri ajchajin amaq’ ri’ xkiporoj ri tiko’nib’alib’alil chi awan kunb’al ri’ rech xkinimaj ub’anik ri kub’ij ri taqanik tzij. Xuquje’ xkikub’isaj ub’anik ri chajinem xuquje’ ri kachajixik ri winaqilal pa taq ri k’olib’alil ri xtzukux uwach ri’.
Eri b’anob’al puqtzukunem ri’ are xb’antajik rech xeq’atexik ri nik’aj molaj b’anow k’ax e rech taq narcotráfico ri’.
Xuquje’ rech uya’ik uchuq’ab’ ri b’anob’alib’alil ri chajinem ri’ rech uq’atexik utikik, rech kalawchexik kechexik uwach ri’, rech kak’ayixik ri awan kunb’al pa rulewal amaq’ tinamit ri’, ruk’ wa’ are kakub’isax ub’anik ri kachajixik ri winaqilal pa tinamit.