Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkiporoj 28,910 chi raqan ichaj tiko’n rech marihuana ri nima’q chik. Eri tiko’nib’al ri’ maj pa usaqilal ub’anikil ri’ eri rajil are Q14,455,000 chi pwaqil.
Are la’ xriqitaj pa 25 rech mayo ri’, pa jun k’ache’laj rech ri caserío Los Laureles, Las Cruces, pa Petén, are chi’ xb’an jun puqtzukunem kuk’ ri reqa’lenelab’ rech ri Wokaj Achajil Amaq’ Iximulew xuquje’ kuk’ ri q’atol tzij rech ri Ministerio Público (MP). Te k’u ri’ xb’an xtaq ub’anik ri chajinem tzukunik chi rij wari’ rech xporoxik xuquje’ rech xb’an uchajixik chi la’ pa taq ri k’olib’alil.
Eri xporoxik ri’ are 20,400 raqan ichaj rech marihuana ri’ pa le caserío Flor de la Esperanza rech ri uq’ab’ tinamit ri’, pa domingo 24 rech mayo kanoq. Eri rajil ri awan kunb’al ri’ are Q10 millones, are junam ruk’ ri USD 1.3 millones ri’.
Ruk’ ri xporoxik are kuya uchuq’ab’ ri kemonchak pa taqawokajil rech kaq’atexik taq ri b’anow utikik ri raqan ichaj rech awan kunb’al ri’ rech kopan taq ri awan kunb’alri’ kuk’ ri winaqilal. Xuquje’ rech kakoj ri ub’anikil ri kemonchak chajinem rech uq’atexik taq ri molajib’ rech ri narcotráfico pa rulewal amaq’ tinamit.