Chaq’ab’ iwir sib’alaj xb’an puqchajinem q’atenik pa taq nimab’e rech xq’atexik ri etz’anem awan opanriqonem ri’, rech maj jun chik kuriq tane’ k’ax pa taq nimab’e pa tinamit, chi la’ pa taq k’olib’al rech San Benito xuquje’ Flores, Petén ri’. Eri tzukunem q’atenik ri’ are xb’an kumal reqa’lenelab’ ri Comisaría 62 xuquje’ rech ri Departamento rech Tránsito rech ri Wokajil Ajchajin Tinamit (PNC).
Pa taq ri tzukunem ri’ xchap loq a Fidel N, 28 ujunab’; ri q’ab’arel utijom tzam ub’insax jun kejach’ich’ maj utaretal reqam tane’ xriqitajik. Xuquje’ e k’o e 25 chi e’ajb’insal ch’ich’ ri’ xkoj tojb’al kimak rumal ri Q’atb’al Tzij rech Tránsito ri’. Eri tojb’al ri’ are xoj chi kech, rumal man k’ot kiwujil keqam, man k’ot tob’al kijolom kikojom tane’, xuquje’ rumal xaq katoror uqul taq ri ch’ich’ kab’insam.
Xuquje’ eri wokajil ajchajin tinamit xkiriq e 100 chi winaqil ri’ rech xkilo kitzijol wene’ e k’o taqom kichapik ri’. xuquje’ xkisolij taq ri ch’ich’ rech xkilo we man xat e’eleq’am b’i xuquje’ rech wene’ k’o awam jastaq keqam b’i.
Eri chajinem q’atenik ri’ are xb’an pa taq ri nimab’e pa taq le q’ij chaq’ab’ jacha ri kab’im loq ri winaqil are chi’ keb’e pa awan opanriqonem ri ch’ich’ ri kejach’ich’ ri’. Eri b’iw b’ixik kumal ri winaqilal pa le 110 rech ri PNC xuquje’ pa le 1599 rech Tránsito PNC are ri’ k’o nim upatan ri’ rech kaq’atexik ri awan b’anoj etz’anem rech opanriqonem kumal ri e’ajmak e’ajb’insal taq ch’ich’ ri’.