Pa le tijob’al ub’i’ Escuela rech Estudios Penitenciarios (EEP) k’o pa Fraijanes, Guatemala, xetijoxik paq’ij 17 rech abril ri’ pa le yab’al keqale’n kiwujil e 147 k’ak’ ajchajinel rech ri Dirección General rech ri Sistema Penitenciario (DGSP) ri’. Eri nimaq’ij ri’ xk’am ub’e rumal ri Ministro rech Gobernación ruk’ ri K’amal B’e ri’ xuquje’ ruk’ ri K’amal B’e rech Asuntos Penitenciario rech ri DGSP.
Eri ajchajinel rech ri ujuk’al uro’ puq tijoxelab’ xetijoxik pa oxib’ ik’ kumal rajtijonel ri EEP. Eri b’anoj katijoxik ri’ are xk’ut ri eta’mab’al chi kuwach xuquje’ xkib’an uch’ob’ik reta’maxik ruk’ taq ri Taqanem Tzij rech Régimen Penitenciario, ri b’anoj patan ri’ xuquje’ ri rech unimaxik ri ch’ojil ya’talil chi ke ri winaqib’.
Eri Taqawokajnel rech Ya’olchajinem pa Amaq’ xub’ij, eri tijob’enik chi ke ri k’ak’ rajchajinelab’ ri japache’ tz’apib’al are katob’an che uya’ik uchuq’ab’ ri chajinem kab’anik rech q’atenik awan jastaq ri’ xuquje’ rech pa jikomal kek’oji ri e k’o pa rachoch taq japache’. “Rumal ri’ kinusik’ij ri e 147 k’ak’ ajchajinel ri’ rech ruk’ ronojel kanima’ chakinimaj b’a’ unimaxik ub’anik wari’”, xcha’ ri nim patanel.
Eri K’amal B’e rech ri DGSP xub’ij wari’: “paq’ij kamik eri rachoch qatijob’al tajin pa unimaq’ij rumal kaya kiwujil ri 147 chi achijab’ xuquje’ ixoqib’ che ri ketajin pa nimanik chajinem pa qatinamit, jacha ri rech puqchajinem rehc ri DGSP. Eri qamaq’il nimatinamit, ri qachalal qalaxik xuquje’ pa konojel ri winaq tinamit, kiya’om kik’u’x ri’ rech kakib’an jun nim uq’ijol pa utzilem ri nimanik ri’”, xcha’ ri k’amal b’e.
Pa le nimaq’ij ri’, eri q’atb’al Tzij xkikoj ri k’ak’ etalil chi ke ri k’ak’ ajchajinelab’ rech wokajil japache’ tz’apib’al xuquje’ xkikoj ri boinas chi ke ri 24 ajchajinel rech ri Unidad Élite rech ri Sistema Penitenciario ri’ are uwach ri b’anoj uwi tijonem chi ke ri reqa’lenel ri wokajil chajin tinamit.