We q’ij kamik, eri reqa’lenelab’ ri Interpol Guatemala rech ri Wokajil Ajchajil Tinamit (PNC) xkik’ul panoq pa le Fuerza Aérea Guatemalteca (FAG) ri’, ri k’o pa le zona 13 rech uk’u’x nimatinamit, jun winaq xchapik xuquje’ ri petinaq loq pa jun nimaxik’ach’ich’ upetik pa nimatinamit Filipinas, pa New York, Estados Unidos Americanos, jun winaq ri’ are k’o oxib’ umak b’anoj k’ax ri’.
Eri Taqanel rech ri Interpol Guatemala, xub’ij che are ri’ a Alejandro Pixtun Hernández, 56 ujunab’, aj pa juyub’ tinamit rech San Pedro Ayampuc, Iximulew ri’, ri k’o jun Alerta Roja Internacional chi rij ri’ rumal keb’ mul xub’an k’ax che ri ali che ri ixoq ri’ pa le 7 rech diciembre rech 2021 ri’.
Rumal b’a k’o ixoq k’o ali xuchapo xub’an k’ax chi re are ri’ jun nim umak k’o nim tojob’al kub’an chi rij ri’, ri k’ax ri’ are xub’an pa le 30 rech diciembre rech 2021 ri’.
Jeri’, ya’om nim utzijol ri’ pa le 18 rech noviembre rech 2021, rumal ri’ eri Interpol Guatemala are xuta uchapik loq. Rumal ri’ xk’am b’i pa le Nimaq’atb’al Tzij ub’i’ Torre rech Tribunales rech uk’u’x nimatinamit.
Pa Colombia ri’
E pa 6 rech octubre ri’, yutum ri are xtaq loq chi rumal Colombia ri achi aj iximulew ub’i’ a Juan Carlos López Guay xuquje’ ub’i’ a Juan Carlos Palomo López, 44 ujunab’, kab’ixik k’o ali, ixoq xuchap ri’ pa le 15 rech octubre rech 2019 ri’.
Rumal ri’ xtaq uchapik loq pa le 1 rech marzo rech 2022, eri Interpol Guatemala xutaq uchapik ri’.