Pa jun wuqq’ij ri’ e k’o 43 mil reqa’lenel ri Wokajil Ajchajil Tinamit (PNC) ke’ok pa nimachajinem pa rulewal qatinamit, rech kataqixik kachajixik ri winaqilal che ri ke’opan chaq’ab’ pa le nimaq’ij ub’i’ Noche de Brujas xuquje’ jeri’ pa uwi taq kimuqib’al kaminaqib’ ri’.
Pa le 31 rech octubre ri’, xb’an jun nim cholb’inik rech ya’olchajinem winaqil xuquje’ puqchajinem chi rij taq kejach’ich’ pa taq ri discotecas, restaurantes xuquje’ pa taq ri centros nocturnos ri’. eri chajinem ri’ are utaqim u’atexik taq b’anoj k’ax che ri kik’aslemal ri winaqil, ri kijastaq che ri kakikoj pa taq ri nimaq’ij ri’.
Xuquje’ are kanimaxik ri taqanem ub’i’ Ley Seca, rech maj tijowtzam pa 1:00 a 6:00 kajb’al rech pa nimaq’b’ ri’, rech uq’atexik taq b’anoj ch’ojinik kumal e q’ab’arilab’ pa tinamit.
Xuquje’ k’o korlim chajinem kab’an pa uwi taq kimuqib’al kaminaqib’ pa ronojel rulewal qatinamit, rech kakub’isax kachajixik e k’i taq winaqilab’ e aj iximulew che ri ke’opan pa le nab’e xuquje’ ukab’ q’ij rech noviembre pa nimaq’ij ri’ pa uwi kimuqib’al kikaminaqib’ ri’.
Jeri’ eri ajchajil tinamit sib’alaj kechajin chi rij taq ri ch’ich’ rech k’olib’al pwaq ub’i’ cajeros automáticos, chi rij taq rachoch ri ja k’olme’r, pa taq k’ayib’al, pa taq plazas financieras xuquje’ pa taq nimak’ayib’alil, jeri’ pa nik’aj chik k’olib’al kek’oji wi winaq ri’ pa taq ri q’ij ri’.
Eri q’atb’al tzij xkiya ub’ixik chi ke ri winaqilab’ rech we k’o ri k’ax kakilo kab’anik chakib’ij b’a utzijol pa le 110 rech ri PNC xuquje’ pa le 1561 Crime Stoppers ri’. Jachin b’a kuya ub’ixik pa aninaqil b’a ke’opan ri ajchajil tinamit che kilik kaq’atexik nik’aj e b’anol k’ax, rech sib’alaj ketob’an ri’ ruk’ ri ya’olchajinem winaqil pa tinamit ri’.