Eri reqa’lenelab’ le Comando Antisecuestros rech ri Wokajil Ajchajin Tinamit (PNC) xq’atij xkichap loq jun molaj b’anol k’ax kakeleq’aj winaq pa Morales, Izabal, are chi’ xb’an jun puqchajinem pa komon kuk’ ri q’atol tzij rech ri MP. Eri b’anoj puqchajinem tzukunik are xb’anik rech xterne’xik rech xtzukuxik jun ri’j winaq chi la’ pa tinamit.
Le Taqawokajnel Chajinem pa Nimatinamit, Francisco Jiménez, pa le uwachwuj pa kaqiq’ rech X, xuya wi utzijol le puqtzukunem xb’anik, pa le xb’antaj wi kowonem xechap e lajuj uwinaqil jun molaj b’anol k’ax kib’i’ “Los Gatos”. Le nimatat Jiménez xuquje’ sib’alaj xub’ij chi k’o jun nim upatan ri chak b’anom kumal ri wokajil ajchajin tinamit rech kichap jun molaj b’anol k’ax ri’.
Eri jun puq b’anol k’ax xechapik e’are k’ut a Selvin “N”, 37 ujunab’; a David “N”, 20 ujunab’; al América “N”, 38 ujunab’; al Belinda “N”, 20 ujunab’; a Adolfo “N”, 62 ujunab’; ri Mark “N”, 31 ujunab’; a Osmar “N”, 31 ujunab’; a Luis “N”, 24 ujunab’; xuquje’ a Brandon “N”, 23 ujunab’; e’are k’ut sib’alaj tajin kichapik rumal e k’o chi kech xkeleq’aj winaq, e k’o xkikamisaj winaq, e k’o xkib’an k’ax elaq’, e k’o xkib’an kamisanik ri’ xuquje’ e k’o xkib’an ri k’ax elaq’ ri’.
Konojel ri’ eri kimak kab’ixik k’o ri winaq xkik’am b’i rech xkib’an k’ax chikech, ri xkichomaj xkikamisaj xuquje’ ri nim xkeleq’aj ri’.
Pa le tzukunem xb’anik, eri wokajil ajchajin tinamit xkiriq oxib’ chi k’aqb’al q’aq’, jun k’aqb’al q’aq’ nim raqan, ruk’ nik’aj nojisab’al k’aqb’al, k’i ub’aq’ k’aqb’al q’aq’, ruk’ jun pisob’al ruk’ cocaína, xuquje’ ruk’ k’i chi ch’aweb’alil. Eri jastaq xriqik xk’am b’i rech kab’an le utzukuxik uwach utzijol rech kaq’alajisax uwach taq ri k’ax ri’.
Eri xk’ulmataj ri’
Eri q’atb’al tzij xkiya utzijol, che ri nik’aj winaq xechapik e’are xkichapo rech xkeleq’aj b’i le jun tata’ ub’i’ a Antonio María Monroy López, ri k’o 74 ujunab’, chi rij k’ut sib’alaj xkitoq’ij Q300 mil chi b’otojpwaq ri’, pa le oxib’ q’ij rech octubre rech 2024,pa le aldea EL Cedro de Morales, Izabal. Xuquje’ eri nik’aj chik e’are kab’ixik xkib’an k’i taq k’ax, xkib’an ri elaq’nik xuquje’ k’o k’i kamisan winaq xib’ano.