Rumal xopan uq’ijol le Semana rech Solidaridad, xb’an jun utzijob’exik ri’ ub’i’ “Ya’talil ub’anik xuquje’  Tijowchuq’ab’ rech uq’atexik ri itzeleb’en ib’ tasb’an winaq ri’ pa uwokajil chak patan pa nimatinamit Iximulew ri’: rech kab’an b’a’ pa jun taqon ub’anik”, chi kech ri rajchakunelab’ ri Taqawokaj Chajinem pa Amaq’, ri xkitij kichuq’ab’ pa le q’atenik ri itzelib’en ib’ tasb’an winaq ri’ pa rulewal nimatinamit Iximulew.

Le Ministro rech Gobernación, Francisco Jiménez, sib’alaj xuya ub’ixik ucholajil che ri cholchak patan ri’ are k’o nim upatanib’al pa le uwa’lisaxik uwach taq ri ch’ojib’al ya’tal winqib’, rech ya’ik uchuq’ab’ uq’atexik taq ri itzelib’en ib’ tasb’an winaq ri’. Pa le tzijob’exik xub’an le Ministro Jiménez ri’ sib’alaj xub’ij chi k’o jun nim upatan uq’atexik ri tasb’an winaq itzelib’en ib’, rech kaya kak’am uq’ab’il, kuya uq’ij le k’i’ b’anikil b’antajil pa le nimatinamit ri’.

Rumal ri’, le Comisionado rech ri Comisión Presidencial rech Q’atenel ri Discriminación ri Racismo ri’ Chi Kech ri Winaqib’ rech Iximulew ri’ (CODISRA), Luis Fernando García sib’alaj xuya ub’ixik che ri chak tajin rumal le Taqawokaj Chajin Nimatinamit ri’ are ri’ k’o nim upatan pa le ya’ik uchuq’ab’ ri k’amq’ab’ Kitzij pa le Taqanib’anem rech uq’atexik ri tasb’an winaq itzelib’en pa nimatinamit ri’. Le García xub’ij che ri b’anonem ri’ are la’ kuya uchuq’ab’ rech jun utz wokom ib’ winaqil pa junamil ib’ xuquje’ pa jun nim k’exnem uwach ib’ pa le nimatinamit ri’.

Le Semana rech le Solidaridad ri’ xmajtaj loq ruk’ le Nim Na’tib’al Uq’ijol Q’atenik Tasb’an winaq Itzelib’en ib’. Xuquje’ b’anom jumulaj taq uwach uwokik wa’ kumal taq ri wokaj uq’ab’ ri Taqawokaj Chajinem pa Amaq’, rech b’a’ kaloq’axik kuwach konojel ri winaqil jachike kib’antajil kapetib’alil ri’ xuquje’ rech kab’an pa utzilal ronojel uwach taq ri chak patan ri’.