Pa juk’al q’ij rech junio xmajtaj ri ketaxik kitzijol e k’i taq reqa’lenel, Subinspectores xuquje’ Inspectores ri ketajin pa chajinem rech ri Wokaj Ajchajil tinamit ri kakaj ke’ok che Oficiales Tercero rech ri PNC. Rumal ri’ kamik e k’o 389 xeopan pa le rachoch ri Academia policial ri’.
Eri b’anonem ri’ are la’ tajin ub’anik kumal ri wokaj reqa’lenel ri Inspectoría General, kumal ri Junta Evaluadora, kumal nik’aj wokajil rech PNC ri’ rech kakiq’atij ri itzelal, jcha b’anom kanoq ojer jcha ri kib’im ri kiriqom k’ax.
Eri e ajtijoxel pa jueves , pa viernes, pa sábado xuquje’ pa domingo kab’an retaxik rilik kitzijlal pa uwach wuqq’ij ri’. Rumal ri’ e k’i ri kik’isom chik katijoxib’ kib’ rech licenciatura rech taq ri nimatijob’al rech pa qatinamit. Are wa’ ri nab’e taq ketaxik kab’anik rech ke’ok pa le Ub’elej rech Tijonem chke rech Oficiales Tercero, ri are kanajtib’ oxib’ junab’, ri kamajtaj ri’ pa le nab’e q’ij rech agosto petinaq ri’.
Rumal ri’ eri PNC xub’an utzijolixik che pa le 24 xuquje’ 25 rech we ik’ ke’etax kuwach ri keb’ puq e ajtijoxel ri’ rech ke’ok che oficiales rech chajin tinamit.
Jeri’ are la’ xya utzijol pa le 26 rech we ik’ kak’am kiwujilal ri achijab’ ri ixoqib’ che ri kakaj ke’ok che reqa’lene ri PNC.