Ri K’amal B’e Amaq’, Bernardo Arévalo xuquje’ ri Ministro rech Gobernación, Francisco Jiménez, xkimol kib’ pa aq’ab’il kamik kuk’ rajtaqanelab’ Kawokajil E’ajchajil Tinamit (PNC) rech kamajtaj ri “Cholchajinem rech Nimaq’ij Alaxib’al xuquje’ rech pa K’isb’al Junab’ 2024”, ri utaqim uya’ik kub’al k’u’x jikomal chi kech ri winaqilal e’aj iximulew pa taq le nimaq’ij ri’.
Eri q’atb’al tzij rech taqawokajilal xkiya uq’ij kichak ri e 42 mil chi reqa’lenel ri PNC ri’, ri pa jueves ri’ 12 rech diciembre, rech qas kakib’an b’a’ ri ya’olchajinem, rumal ri’ sib’alaj xq’atexik uwach ri uxulanem chi kech ri e’ajchajinel. Xuquje’ pa kawokajil ri’ kejach pa taq uxo’l kutzal nimab’e rech pa taq tinamit ri’.
Ri cholchajinem ri’, utaqim b’inisam puqchajinik tzukunem xuquje’ ri uk’olib’alil taq ya’olchajinem pa taq ri tinamit, rech kab’an b’inisam chajinem pa taq ri ch’ich’, chi rij taq kejach’ich’, che kaqan, rech kek’oji pa taq ri k’olib’alil rech k’o chajinem pa taq tinamit, rech q’atenik k’ax, rech maj jun kupoq’saj sik’paq’, ri poq’san aj, rech uq’atexik tz’in chaj ri maj uwujilal ri’.
Pa komon solinem ri’
Eri K’amal B’e Amaq’ Arévalo ruk’ ri Ministro Jiménez xkib’an usolixik le uchakunik le Centro rech Llamadas 110 rech ri PNC xuquje’ ri Oficina rech Coordinación, rech pa aninaqil kak’ulik kachomaxik ri b’iw b’ixik loq kumal winaqilal, rech ketaq b’i ri wokaj e’ajchajin tinamit. Chi’ k’ut eri taqawokajnelab’ xkib’an ukjik ri molaj jastaq rech radiocomunicación rech are kakikojo ri e’ajchajinel ri’ ri xmatyoxix chi kech xuquje’ rech xetoq’axik kakinimaj uchakuxik pa joremalil unimaxik ri taqanem pa tinamit aj iximulew.
Le Ministro Jiménez xuya kiq’ij ri reqa’lenel chajin tinamit rech pa jujun taq kawokajil che ri kiya’om uchuq’ab’ ri cholchaine pa taq ri nimaq’ij rech k’isb’al junab’ ri’, xub’ij k’ut che are ri’ reqele’n kichak pa taq le q’ij ri’. Xuquje’ xuna’tib’ej ub’ixikil ri chak kib’anom are ri’ qas uya’m uk’aslemal chi kech ri winaqil e’aj iximulew rech pa joremal ki’kotem b’a’ kakiq’axe’j ri nimaq’ij ri’.
Are chi’ eri K’amal B’e Amaq’ Bernardo Arévalo sib’alaj xujach chi kech ri e’ajchajinel rech PNC ri man kek’ejeb’ ta kuk’ ri kalaxik pa Alaxib’al, pa K’isb’al Junab’ ri’, rech pa kub’al k’u’x joremal kakiq’axe’j ri nimaq’ij ri alaxik e’aj iximulew ri’ rech pa kutzilem kek’oji ri’.