Le Ministro rech Gobernación, Francisco Jiménez pa jun k’ak’ jachik uwach nimanem pa tinamit, paq’ij miércoles ri’ xujeq pa le Centro de Revisión Física rech  Vehículos pa Guastatoya, El Progreso. Le cholchak ri’ are xk’utan ukojik rumal e k’i ri xkita rech kakojik pa tinamit ri’, rumal b’a’ kanoq pa uk’u’x nimatinamit kepe wi rech uta’ik le rilik.

Le rachoch k’olib’al le expertaje are k’o pa rejqele’m le División Especializada rech  Investigación Criminal (DEIC) rech ri Wokaj Ajchajil Tinamit. Are k’a kamik kakoj pa tinamit rech El Progreso jeri’ chi ke ri tinamit e k’o apanoq, pa le Zacapa, Chiquimula, Jalapa xuquje’ pa Santa Rosa ri’.

e k’i ri kechakunik

Le k’ak’ rachoch le expertaje kumal lunes pa viernes, pa le wuqub’ kajb’al rech aq’ab’il k’a pa job’ kajb’al rech qajib’al q’iij xuquje’ kakowon kub’an 64 chi solin ch’ich’ ronojel q’ij. Le winaqil rajawaxik kakinabejsaj uta’ik le q’ij pa le uwachwuj expertaje.pnc.gob.gt le e’ajchakul rech keriqitaj ri’ rech pa aninaqil kaka’n le rilik. E k’o waqib’ e’ajilonel rech kakisolij.

Le Ministerio rech Gobernación pa rejqele’m le Wokaj Ajchajil Tinamit (PNC), are xumaj ukojik le chak ilonem pa El progreso ri’ ruk’ keb’ taqilenik:
katoq’ax uchomaxik ri kakita rajchoq’e taq ch’ich’ pa le Superintendencia rech  Administración Tributaria (SAT) xuquje’ ya’ik uchuq’ab’ ri tzukunik kumal ajchajinelab’ rech uq’atexik ri b’anoj releq’axik taq ch’ich’.

Pa k’ak’ uq’ijol

Le ministro redh Gobernación, Francisco Jiménez qas xub’ij le cholchak ri’ are xk’utanik ruk’ jun komonq’ab’ rumal le PNC ruk’ le ajkalte’ib’ q’atb’al tzij rech Guastatoya xuquje’ kuk’ le Taqawokaj Taqanib’al pa Amaq’ Nimatinamit, rech ya’ik pa kaq’ab’ le winaqil e’aj iximulew rech k’o utz b’anoj chak ilonik chi naqaj keriqitaj wiri’.

 “Are wa’ le cholchak ri’ ri kopan uchuq’ab’ pa le oxib’ uchuq’ab’ le Taqanem Amaq’. Are xaqchomaj utaq’axik uchakuxik ruk’ utob’anik le Q’atb’al Tzij, ri man k’ot pa uq’ab’ le e’ajchomal taqanib’al tinamit rech are kaqaya le chak nimanem chi ke ri winaqil e’aj iximulew. Are wa’ jun utz kik’utb’enik ri komom e tob’anelab’ pa le b’anik utzil che ri nimatinamit”, xcha’.

Pa le jaqib’al ri’ xopan le K’amal B’e rech ri PNC, David Boteo; le Ajkalte rech tinamit Guatatoya, José Elías Herrera; le Diputado Distrital, Ernesto Bran Colindres, xuquje’ le Gobernadora rech El Progreso, Karoll Paredes.

Le Ministro Jiménez xub’an usolixik le uchak ri expertaje ri’ rech xurilo we pa kub’al k’u’x pa aninaqil kub’an le chak rech kumaj kamik kachomaxik le winaq pa tinamit. “Le k’amal b’e nimatinamit Bernardo Arévalo xuquje’ in sib’alaj k’o nim upatanib’al kaqilo kab’an le jun jachik b’anik le chak ri’ kuk’ le kepe wi le winaq ri’ rech pa aninaqil b’a’ kechomax ri’”, xcha’.