Le Ministro rech Gobernación, Francisco Jiménez, xmolin iwir ruk’ le Relatora Especial rech ri Naciones Unidas rech xkichomaj ruk’ le nan Margaret Satterthwaite, rech kakistaso kib’ le Magistrados kakitaso kib’ le Abogados. Le riqon ib’ are xb’an pa le Salón Mayor rech le Ministerio rech Gobernación (MINGOB), zona 1 rech uk’u’x nimatinamit.
Pa le riqon ib’, le Taqawokajnel rech Ya’olchajinik ri’ sib’alaj xub’ij che nim ri uchak tajin rumal le K’amal B’e Nimatinamit Bernardo Arévalo rech ya’ik uchuq’ab’ ri upatan ri q’atb’al tzij ri’ ruk’ ri uchak kub’an ri Mingob rech katerne’x ri jun b’anon chak ri’ ruk’ jikomalil. Xuquje’ xya ub’ixik ri k’axk’olil kuriq ri’ xuqje’ ri tijowchuq’ab’ upatanexik kumal ri e’ajq’atol tzij ri’, ruk’ kipatan ri magistradios, ri jueces ri abogados rech pa kuteke’lil kakikub’isaj ri ajawanik q’atoj tzij ri’.
Xuquje’ xkitzijoj uwach chi rij chi pa amaq’el ke’okisax che e’ajb’anol k’ax ri winaq ri man e’ajb’anol k’ax taj e’are ri’ le winaq che ri e’ajq’atol tzij ri suk’alaj keq’atanenik pa qatinamit.
Jeri’ xb’an le rilik jas le ukojik kab’anik ri q’atoj tzij ri’ xuquje’ xkitzijoj chi kuwach chi rij le rilik kumal le winaqilal pa tinamit wari’ pawe q’ij kimik.
Le ropanik loq chi’ le relatora are le 12 pa le 23 rech mayo ri’, pawe q’ij ri’ chomatal chik rech kakimol kib’ kuk’ ri ajchomanelab’ rech wokajil winaqilal, kuk’ e’ajno’jchak, e’ajeqa’lenel, kuk’ ri wokajilal rech ri ONU xuquje’ kuk’ le puq e’ajchomanelab’ ri’.