Le ministro rech Gobernación, Marco Antonio Villeda ri’, xuya reqale’n ri a Ronal Emanuel Revolorio Linares ri’, rech xok che k’ak’ subdirector general rech Estudios xuquje’ Doctrina ri’ rech ri Wokajil Ajchajin Tinamit (PNC). Eri reqa’lenib’al xuya ri’ are rumal k’o nimachak uk’aslemam chik ub’anik, k’o nim tijonem q’axinaq wir’ xuquje’ sib’alaj naj chik katajin pa wokajil chajin tinamit.
Eri uchak ri k’ak’ subdirector ri’ are la’ k’o nim upatanib’alil pa le kataqik ri wokaj e’ajchajinelab’ pa tinamit rech ri PNC. Xuquje’ are rech kakiterne’x ya’ik nim uchuq’ab’ ri k’ak’ taqanem pa le katijoxik ri reqa’lenelab’ ri wokajil ajchajin tinamit ri’.
Eri nimatat a Villeda sib’alaj xutoq’ij ub’ixik chech ri a Revolorio Linares rech ronojel ranima’ uchuq’ab’ ok b’a’ che ri nim reqale’n chak ri’, ruk’ rajeqa’len uno’jib’alil pa le b’anow utz chajinem chi ke taq ri uwinaqilal Iximulew ri’. “Kakub’ qak’u’x chi rij rech pa suk’ilal b’a’ kuk’am ub’e ri upatan ri subdirecciónr i’, rech pa chuwe’q kab’ij utz ri kachajinik kakib’an ri Wokajil Ajchajin Tinamit ri’”, xcha’.
Pa le ya’ik eqale’n chak ri’ are jun xopanik le viceministro rech seguridad, Estuardo Solorzano ri’, ri xuk’ikotirsaj ub’ixik chech ri a Revolorio Linares ri xkoj che nim reqale’nib’al ri’. pa martes 12 rech mayo ri’ xkoj che reqale’n ri k’ak’ ajpatanel pa le k’olib’em uchak patan le taqawokajnel rech ri Ya’olchajinem pa Amaq’ Tinamit.