Eri ministro rech Gobernacion, Marco Antonio Villeda, xuk’ul apan le jun molaj chi ajchomanelab’ rech ri Taqa’amaq’il rech ri Estados Unidos rech América, ri k’amatil ub’e rumal ri k’ak’ Ministro Consejero rech ri Embajada estadounidense pa le qatinamit, a Jorgan Andrews, ri xmolin pa chomanem ruk’ ri jun nim ajpatanel rech ri Wokom Amaq’ Iximulew.
Le riqon ib’ ri’ are k’o nim upatan pa le k’amow k’amq’ab’ tzij xuquje’ rech ya’ik uchuq’ab’ le tob’anik chi kuwach ri keb’ amaq’ib’ nimatinamit. Pa le riqon ib’ ri’, eri q’atb’al tzij xikichomaj kakiterne’j ub’anik le kemon chakunem ri’ pa le uq’atexik le nuk’molaj b’anol k’ax pa uwachulew, jeri’ pa le ya’ik uchuq’ab’ le b’anow chajinem pa tinamit.
Xuquje’ chi’ xek’oji wi le Taqanel rech Negocios rech ri Embajada, John M. Barrett, xuquje’ ruk’ le k’amal b’e rech le Oficina rech Asuntos Antinarcóticos xuquje’ rech ri Taqanem Tzij ub’i’ (INL), al Kelly Hapka. Eri riqon ib’ ri’ are xb’an pa aq’ab’il paq’ij rech le 15 rech abril pa le Despacho Superior rech ri Taqawokajnem Ya’olchajinen pa Amaq’.
Are chi’ xunimax ub’anik ri ucholpatan ri taqawokajnel rech ri Ya’olchajinem pa Amaq’ xrachi’laj ri a Andrews pa jun wa’kateb’al pa le nimawokom rachoch le Gobernación ri’. pa le uwa’katik ri’, le nimatat Villeda sib’alaj xub’ij chi k’o nim upatanib’al le nimawokom nimaja ri’ xuquje’ k’o nim upatanib’al ri chakunem tajin ub’anik kumal le viceministros ruk’ taq uq’ab’ilal ri taqawokajil.
Eri molonik ri’ are la’ kuk’utu le nim k’amq’aq’ tzij pa tob’anem kumal ri keb’ amaq’ib’ nimatinamit ri’ pa le kaq’atexik ri nuk’molaj b’anow k’ax pa kulewalil taq ri tinamit, xuquje’ pa le ub’anik ri cholchakunem rech kaq’atexik ri nuk’molaj b’anol k’ax ri kamisanik.