E k’o le clínicas forenses xkoj pa le Centro rech Detención rech Máxima Seguridad kech Achijab’ “Renovación I” xuquje’ pa le Granja Modelo rech Rehabilitación Canadá, pa Escuintla ri’, are la’ nim retal ri k’ak’ taqanem rech pa rachoch tz’apib’al japache’ xuquje’ rech ya’ik uchuq’ab’ le wokajil q’atb’al tzij pa Iximulew ri’. Ruk’ ri b’anoj ri’ are rech kaq’atexik ri riqon k’ax chi kij ri winaq e tz’apil rech keb’e ta chik pa taq le ja rech kunanib’al ri’ jacha pa taq le rachoch le Instituto Nacional rech Ciencias Forenses (INACIF) rech ub’anik retb’exik ri xkita kumal ri q’atb’al tzij ri’.
Le viceministra rech Seguridad, Claudia Palencia, xub’ij k’ut , chi k’o nim upatanib’al le tob’anem chak chi kuwach le wokajil ri’ rech ya’ik uchuq’ab’ le b’anoj uq’atik tzij ri’. Xuquje’ le Palencia xub’ij che ri k’ak’ clínicas ri’ man xaq taj rech kekunaxik ri eqa’lenelab’ xane’ are rech kab’an le kakunaxik ri e tz’apil pa japache’, rech qas kab’an uch’ob’ik kicholajil ri’.
Rumal ri’, le k’amal b’e rech ri Sistema Penitenciario (SP), Sergio Vela, sib’alaj xub’ij che ri komonchak pa wokajilal ri’ are rech katob’anik uq’atexik ri riqon taq k’ax pa le kaq’axexik ri winaq e tz’apilik. Xuquje’ rech katob’anik pa le k’ak’ taqanem pa rachoch tz’apib’al japache’ rech yab’al kub’alil kumal reqa’lenel e’ajchajil pa rachoch tz’apib’al ri’.
Le k’amal b’e rech ri INACIF, Ingrid Romero, sib’alaj xuya ub’ixik che komonchak tob’anem chi kuwach ri wokajil rech ri Amaq’, k’o jun nimalaj upatanib’al pa le ya’ik uchuq’ab’ ri q’atoj tzij ri’. “Le jaqib’al taq rech ri keb’ clínicas forenses pa rachoch tz’apib’al japache’ ri’, are rech katob’anik pa le b’anoj kunanem ilonik xuquje’ ri chajinem ri’”, xcha’.
Eri clínicas ri’ are la’ uwach ri jun komon tob’anem ri’ rumal ri Taqawokajil rech Ya’olchajinem pa Amaq’ ub’i’ (MINGOB), pa le upatan ri Dirección General rech ri Sistema Penitenciario (DGSP), xuquje’ ri INACIF ri’. Eri wujilal ri’ chi upam q’atatam wi upatan ri’ rech jas le ub’anik kakojik ri e’ajkun pa rachoch tz’apib’al japache’ ri’, xuquje’ rech kakicholaj katz’ib’axik kib’i’ ri e’ajchak rech ja tz’apib’al rech jeri’ ketaxik ri b’anon ilonem kab’an chi’.