Are rech utaqixik le b’anow utz etz’anik ri’, rech keche’xik pa utzilem le q’ij ri’, rech uq’atexik ri utijiik taq awan kunb’al ri’, eri Wokajil Ajchajin Tinamit (PNC) xub’an le ukajlajuj le b’anow utz’ijb’al le nima tijowanim ub’i’ “Yo Vivo Sin Drogas 5K”, pa le b’anowem ri’ xkiriq wi kib’ e kaq’o’ lajk’al (mil) chi winaqil ri’. Le xkimajo wi b’i le tijowanim ri’ chi la’ pa le nima etz’anemb’a ech ri parque Erick Barrondo, zona 7 pa uk’u’x nimatinamit, le kopanib’al le e’ajtijowanim are chi la’ k’ut pa le Nima Uk’amal B’e rech ri Upatanil Chajinem pa Tinamit rech ri PNC ri’.
Le umajik le kelik ri’ are xub’an le ministro rech Gobernación, Marco Antonio Villeda Sandoval, are xuya uq’ab’ utzij chi rij ub’anik le cholchak rumal le Subdirección General rech Prevención rech ri PNC rech xub’an uk’utik je’l ub’anikil le utz k’aslem ri’ rech kab’an kapixb’axik chi rij taq ri k’ax kupetisaj le tijow awan kunb’al.
Pa le b’anowem ri’ xetatb’enik le achalalil e’aj iximulew, ri le rajchakib’ ri wokaj chajin tinamit xuquje’ ri q’atb’al tzij rech taqapatanem. Are chi’ xe’opan pa le opanb’alil, chi kijujunal le e’atijowanim xya’ik jun kisetpwaq rech xetatb’enik pa uk’amik ri nima q’ijol nimachak xkib’an ri’ rech chi rij maj jun tijow awan kunb’al.
Pa le nima riqonem ib’, le Ministro Villeda, ruk’ le viceministra rech Prevención rech ri Violencia xuquje’ ri Delito, Mayda De León; le subdirector general adjunto rech ri PNC, Héctor Prera; xuquje’ le subdirector general rech Prevención, Pablo Rodríguez, xkijach wi le nima’q taq ch’akob’al xya’taj chi ke taq ri xech’akonik pa taq le tijowanim ri’.
Pa le tijowanim ri’ e’are jun le taq ak’alab’, le ab’om alitom, le winaq xkaj e’are jun, le ajtijonelab’, le e ri’ij taq winaq xuquje’ le k’ax kiya’taj xe’alaxik , xuquje’ e k’o ixoqib’ xuquje’ achijab’, ri sib’alaj xkimol kib’ pa taq le jamalil b’anow tijowanim, pa taq le etz’anem xuquje’ pa taq le uq’atexik ri k’ax.
Eri qas e’ajch’akonel ri’ e’are k’ut a Fredy Pérez, are nab’e xch’akonik ri k’ax uya’tib’al alaxinaq; le al Mishel Pamesh xuquje’ le Jony de la Rosa, e’are k’ut le achijab’ xech’akonik kuk’ le ixoqib’ xech’akonik, pa taq le terenb’eb’anem; jeri’ le al Victoria Telegario ruk’ le a Andrés Choc, chi ke taq le ri’ij winaq ri’; el a Nicol Hernández xuquje’ a Santiago Juárez, pa k’ak’alab’il; xuquje’ el al Gloria Ramírez xuquje’ le a Luis Guamuch, pa le kitatb’enik le nima’q e’ajtijonelab’.
Ruk’ le b’anowem ri’, le PNC sib’alaj xub’an le chak upatan rech pa le uq’atexik taq ri k’ax xuquje’ rech pa le uwa’lijsaxik uwach le ya’ik uchuq’ab’il le pa joremal moloj ib’, le utzwachil xuquje’ le utzilemal chi ke taq le winaqilal e’aj iximulew ri’.