Le Taqawokajil rech Chakunem pa junab’ rech 2025 xq’atataj kumal le uq’ab’ taqawokajil rech ri Gabinete Específico rech Desarrollo Social (GDES) pa le Primera Reunión Ordinaria xb’an kimik pa le Salón Banderas rech ri Palacio Naional rech uk’u’x nimatinamit. Le mulin ib’ are xk’am ub’e ub’anik rumal le nan uk’exel k’amal b’e nimatinamit ri’ Karin Herrera, achb’ilam rumal le woktaqanem chak rech ri Gabinete ri’, xuquje’ kumal le e’ajpatanel rech K’amal B’e Amaq’.
Le nan ajk’amal b’e amaq’il, Herrera, sib’alaj xuya ub’ixik chi k’o nim upatan le woktaqanem chak pa wokajil rech kakub’isax ub’anik ri komonchak ri’, ri are la’ utz kab’anik pawe junab’ ri’. Le nan Herrer sib’alaj xub’ij che ri keb’ uwach retal chak ri’, are la’ qas k’o nim upatan pa le uq’atik le Ukajchomaxik ri Taqom Chak rech kakipatanij k’ut le ab’om le alitom ri’, ri ch’ob’otal ub’anik pa le 28 rech mayo ri’, xuquje’ le cholchal nimanem pa tinamit rech becas, le ch’ob’om chak rech kuya kichak le ab’om alitom rech kuwa’lijsax kuwach pa le kik’aslemal ri’.
Rumal ri’, le viceministro rech Tecnologá rech tzijolil xuquje’ rech tzijob’enem, William Cameros, sib’alaj xuya ub’ixik pa le mulin ib’ ri’ are ri qas kub’an upatan rech kaq’at ub’anik mulinem chomanik rech ri GDES. Xuquje’ le Cameros xub’ij che ri cholb’al chak rech pa junab’ ri’ are la’ ub’e’al ri nima chakunem kab’anik ri rech jalajoj uwach, jcha le choman winaqib’ xuquje’ le rech ab’om alitom, chi rij wari’ le nan k’amal b’e nimatinamit, Herrera ri’, xub’iij chewe cholb’al chak ri’ rech pa le junab’ ri’ xuta ub’ixik che katoq’axik ri b’anoj taq chak ri’.
Le mulin ib’ xb’an ri’, rech xtaqix ub’anik komonchak pa wokajilal ri’ rech upatanexik ri jujun taq cholchakunem rech ya’ik nim retalil ub’anik utzil chi kech ri winaqilal e’aj iximulew, jeri’ rech kesik’ix konojel le winaqil rech kakiterne’j ub’anik le komon chakunem rech b’anik utzilem k’ub’al k’u’x chi kuxo’l winaq pa tinamit.