Pa le uq’ijol rech ri ya’ik’ uchuq’ab’ ri cholchak rech kamik, rech chuwe’q kab’ij, paq’ij 31 rech julio ri’ eri Ministro rech Gobernación, Francisco Jiménez xub’an jun nim riqob’al ib’ chomanchak kuk’ri embajadores rech taq Francia, Italia, España, Alemania, ruk’ rajchomanel ri Suecia xuquje’ ruk’ ri nim rajtaqo’ninel ri Unión Europea (EU) pa Iximulew ri’.
Pa le riqon ib’ ri’ xb’an wi uki’kotisan ya’ik ub’ixik ri chak katajin rumal le Ministerio rech Gobernación (Mingob) rech ya’ik uchuq’ab’ ri chajinem tinamit ri’. Pa le b’anon chomanem ri’, eri taqawokajnel ri Mingob xuq’axe’j utzijoxik uwach ri b’anoj chak tajin kamik pa qatinamit xuquje’ ri chakunem katajin ub’anik pa ucholajil ri chajinem xuquje’ ri joremal pa tinamit winaqil ri’.
Xuquje’ eri b’anoj chomanem ri’ are kub’an ri k’amq’ab’ komonchak tob’anem rech upatanexik ri b’anoj chajinem winaqilal pa tinamit, rech ri q’atenik taq molaj b’anol k’ax, ri riqon ib’ kuk’ ri winaqil ri’ rech kakub’ kik’u’x chi ke ri q’atb’al tzij xuquje’ rech ub’anik ri utzalaj taq b’anikil kumal ri e ajchajil tinamit k’a pa le unimaxik ri Ya’talil chi ke ri Winaqib’ ri’.