Le b’anoj komon tob’anik rumal le Ministerio rech Gobernación (MINGOB) ruk’ le Cooperación Internacional rech Corea (KOICA) are k’o nim upatanib’al rech ri b’anoj le nab’e ruk’ le ukab’ cholchak ub’i’ “Mejoramiento rech ri Sistema Educativo Policial”. Le cholchak ri’ are kub’an le yakik le k’ak’ wokom ja pa le Escuela rech Estudios Superiores Policiales (EESPOL) ri’, xuquje’ rech kuya uchuq’ab’ ri b’anoj nimatijoxik ri reqa’lenelab’ ri Wokajil Ajchajin Tinamit (PNC).
Le Viceministro rech Antinarcóticos, Werner Ovalle, ruk’ le Viceministro Administrativo, Felipe Sánchez xkik’ul apan le presidente rech KOIKA, Sr. Chang Won Sam. Pa le utzij xub’an ri’, le Ovalle sib’alaj xub’ij che k’o nim upatan le tob’anem rumal le Iximuelw ruk’ le República rech Corea rech kakimulij kib’ che upatanexik ri cholchak ri’. “Le uchuq’ab’ ri chak kakib’an ri e’ajchajin tinamit ri’ are k’o nim upatan ri’ rech kab’an ri ya’olchajinem pa nimatinamit ri’. Pa rachoch le tijob’al ri’, e k’o 8 mil 500 chi e’ajchajin tinamit ri kakitijoj kib’ pa le waqlajuj uwach b’anon tijonem ri’ pa le wokajil ajchajin tinamit”, xcha’ le Ovalle.
Xuquje’ le Viceministro Ovalle sib’alaj xuya ub’ixik che ri uyakik wokom ja ri’ xaq rech ta kakojik rech kab’an ri tijonem chi’, xane’ are kakojik rech kek’uttijox wi ri e’ajchajin tinamit rech qastzij b’a’ pa utzilem jikomal, ruk’ juntir ri utz kaketa’maj kakinimaj ri kachajixik ri winaqilal ri’. “Sib’alaj kaqaj kaqab’ij k’ut che nim kaqamaltyoxij uterne’xik ri tob’anik xuya loq le República rech Corea ri’, man xaq tane’ kub’an wa’ le cholchak ri’, xane’ are kub’an upatanexik juntir uwach taq ri cholchakunem che ri tob’aninaq pa le kayakik kib’ pa molajil winaqilal pa le nimatinamit ri’”.
Pa le riqonem ri’ xk’oji ri K’amal B’e rech ri PNC, David Custodio Boteo, ri Subdirector General rech Estudios xuquje’ Doctrina, Abel Juárez, xuquje’ ri e’ajchomanelab’ ri KOICA, ri e’are kuk’ ri q’atb’al tzij e’are jun pa le b’anoj jun b’inik pa le rachoch le tijob’al ub’i’ Escuela rech Especialidades rech Policía (EEPOL), are jun k’olib’al ri’ rech kayak wi le k’ak’ wokom ja pa le (EESPOL) ri’.