Rumal b’a’ rech tajin uchomaxik rech kaq’atexik ri b’anoj k’ax ri’ xuquje’ pa le kachajixik le winaqilal ri’, kab’an b’a’ k’i puqtzukunik chajinik kumal reqa’lenelab’ le Wokajil Ajchajin Tinamit (PNC) kuk’ reqa’lenelab’ le Wokajil Ajchajil Amaq’ Iximulew, ri kek’oji paq waqib’ campamentos rech ya’olchajinem chi la’ che ri qas kab’an wi ri k’ax ri’. Eri b’anob’al chajinik ri’ are rech kilik kiwuj kitzijol e winaqil, le ch’ich’ e b’inisam pa tinamit, rumal ri’ kab’an ri puqchajiem pa taq le k’olib’em winaqil pa rulewal tinamit.

Le Viceministra rech Seguridad, Claudia Palencia, xub’an le rilik le chajinem tzukunik tajin kumal le wokajilal ajchajin tinamit pa le campamento kariqitajj pa le 41 calle chuxo’l 7ª on 8ª avenida, zona 8 pa nimatinamit.
Pa le solinem ri’, sib’alaj xuya ub’ixik chi k’o nim upatan le q’atenik b’anoj k’ax pa taq le wokja ri’, je jas le uya’ik uchuq’ab’il le kub’san kik’u’x le winaqila ruk’ le chajinem tajin kumal le e’ajchajin tinamit.

Le Viceministra Palencia xuquje’ xuya ub’ixik che, pa taq le puqchajinem ri’, k’o e k’i winaqib’ xechapataj kumal le e’ajchajin tinamit, rumal k’o k’o xekamisanik, k’o xe’elaq’ik xuquje’ k’o xkib’an nim kimak, k’o k’aqb’alil xriqitajik, k’o ub’aq’ k’aqb’al, chalecos antibalas, ruk’ nik’aj chik jastaq xriqitaj ri’.

Pa junamil ri’, e k’o e 175 chi reqa’lenelab’ chajin tinamit xetaq che chajinem pa taq kik’olib’alil winaq, are rech kaq’atexik ri b’anoj k’ax ri’. Rumal ri’ le viceministra Palencia xub’ij che k’o jun ch’ob’oj b’anom rech uq’atexik k’ax xuquje’ rech b’anoj tzukno’jchak kumal ri wokajil ajchajin tinamit rech uq’atexik taq ri b’anoj k’ax ri’ xuquje’ rech kab’an puqtzukunem pa kachoch winaqib’ ri keriqitaj pa le k’olib’alil che ri qas kab’an wi ri k’ax.

Uq’atexik b’anoj k’ax chi kech le winaq

Are la’ uwach le tzukno’jchak rech uq’atexik taq ri b’anoj k’ax chi kech ri winaqil pa le kik’aslemalil, le reqa’lenelab’ le División Especializada rech Investigación Criminal (DEIC) uq’ab’ le Wokajil Ajchajin Tinamit (PNC), kuk’ le q’atol tzij rech ri MP, xkib’an k’i taq tzukunem pa kachoch le winaqil pa taq le wokja rech tinamit Mixco, Chinautla, Villa Nueva, San Miguel Petapa xuquje’ Iximulew ri’.

Le viceministra Palencia xub’ij che are wa’ uwach le tzukno’jchak b’anom, e k’o waqib’ chi winaqib’ taqom kachapik rumal q’atb’al tzij xb’antaj kowonem xechapik rumal k’o xekamisan winaq, k’o xekamisanik xuquje’ k’o xkaj k’o winaq xkikamisaj ri’.

Le Xb’anik pa Aninaqil

Le wokajil ajchajin tinamit xkib’an k’ut jun kamsinel uwinaq ri jun pandilla Barrio 18, ri xch’ob’ uwach are a Daniel N, waqxaqlajuj ujunb’, q’ab’el ub’i’ “Balta”, pa le 21 calle on 11 avenida, zona 1 rech uk’u’x nimatinamit. Are ri jun winaq ri’ kab’ixik xukamisan rech jun ixoq, pa le 18 calle oj 10ª avenida rech le wokja ri’. Are chi’ xchapik, xriq jun k’aqb’al ruk’, ruk’ juntir, ruk’ waqib’ ub’aq’ k’aqb’alil ri rech utz utz kakojik xuquje’ ruk’ jun kejach’ich’ ri’ ri are xraj xukojo rech kranij chi kuwach le e’ajchajin tinamit.

Le Claudia Palencia xub’ij che rumal k’ut che pa aninaqil xe’opan le e’ajchajin tinamit e k’o chi rij taq ri kejach’ich’, kumal ri’ xb’antaj kowonem xchap jun kamisanel chi naqaj apanoq ri xub’an wi k’aqanem kamisanik. Xuquje’ xya utzijol ch k’o jun achi xchapik xk’am b’i pa q’atb’al tzij rech kaq’at tzij chi rij rumal ri k’ax k’ate xub’ano.