Pa le katijoxik kachomab’al winaqial xuquje’ rech ub’anik ukojik le jun uwachwuj le Academia rech Ética xuquje’ Integridad (ACADETI) pa le K’olib’al Uwach le Joremal Chomab’al k’o chi uwach le Nim Rachoch le Amaq’ ri’. Eri ub’anob’alil ri tijob’enik ri’ are katerne’x ya’ik chi ke rajchak ri taqawokajilal, ri suk’alil, rech uq’atexik itzelb’anoj pa wokajilal, rech ya’ik uchuq’ab’ ri no’jib’al tinamit pa le usuk’alil taq le wokajilal rech ri Organismo Ejecutivo.

Le Ministro de Gobernación, Francisco Jiménez, sib’alaj xkutzuj chi k’o nim upatanib’al ri  cholchajinem rech b’anik ri taqanik pa tinamit, xub’ij chik chi k’o nim upatanib’al ri retal tijionem rech ub’anik ri chak ruk’ suk’alil, rech b’anik utzilem chi ke ri winaqil pa tinamit. Rumal ri’, xub’ij chi ke ri wokajil ajchajin tinamit rech chakiterne’j ub’anik utz ri kichakunik pa le kachajixik ri winaqilal, ruk’ jun utzilaj unimaxik ri ya’tal rech uwinaqilal pa tinamit.

Rumal ri’, ri >K’amal B’e rech ri Comisión Nacional rech Q’atenik Elaq’ pa Wokajilal  (CNC), Julio Flores, xutzuj e k’o sib’alaj e k’i chi servidores públicos rech ri Wokajil Ajchajin Tinamit (PNC) ri kek’oji pa le nab’e wokaj rech ri plataforma ACADETI. “Ri ix kixk’oji pa le wokaj rech tob’anem xuquje’ kixk’oji pa le b’anon chajinem, ruk’ suk’alil jikomal b’anik ri ichak”, xcha’.

Le k’ak’ plataforma ri’, are rech sib’alaj utz kakojik pa le tijob’enem ri’, rech ya’ik utzijolil uwach ri suk’al no’jib’al xuquje’ rech uk’extajik no’jk’aslemal winaqilal. Eri b’anob’al tijonem rech taq uwach tzij rajawaxik, jacha b’anoj suk’alil on k’amoj b’e; no’jk’aslemal xuquje’ b’anik suk’al no’jib’al; ch’ob’ik uwach k’axk’ob’enik; b’anoj q’atenik b’anoj elaq’ pa wokajilal; rech e’are jun ri winaqilal pa le q’atenik itzelb’anik elaq’ pa taq wokajil, jeri’ nik’aj chik.

Pa le majb’al ukojik uwachil ri’ xek’oji ri’ le Viceministra rech Prevención rech ri Violencia,xuquje’ Delito, le nima nan Mayda De León, ri K’amal B’e rech ri  PNC, David Custodio Boteo, ri Taqanel rech ri wokaj winaqilal Guatemala no se Detiene, Ana Isabel Antillón, ri  Subdirector General rech Operaciones, Jacinto Quiché, ri taqanel rech chajin tinamit, xuquje’  ri rajpatanelab’ wokom k’amal b’e Nimatinamit.