Eri ub’anob’alil chajinem rech kaq’atexik ri ri e’ajb’anol k’ax ri’ xuya pa retalil pa 110 chi uq’ab’ taq tinamit ri’ ri maj jun winaq xkamisax tane’ ri’ xuquje’ ri xq’atataj wi ri b’anoj k’ax pa 2025 ri’.
Eri utz b’anob’alil ri’ are la’ uwach ya’el uchuq’ab’ b’anoj puqtzukunem chajinik ruk’ ri tzukno’jchak xb’an kumal ri Wokajil Ajchajin Tinamit (PNC), jacha ruk’ ukojik ri k’ak’ kemechakub’al ri’, xuquje’ rumal xunimarsax uwach ri chajinem kumal ri ajchajin tinamit pa amaq’ ri’. Sib’alaj xb’antaj ri tzijob’elil rech kub’isan kik’u’x ri winaqilal ri’.
Jacha ruk’ ri kub’ij ri q’atb’al tzij rech chajin tinamit, e k’i taq tinamit xkiya loq utzijol chi nim xq’atataj ri kamisan winaq ri’, rumal k’u ri’ maj jun kamisan winaq pa taq uq’ab’ tinamit. E pa Chinab’jul nab’eyajinaq ruk’ 21 rech pa 31 uq’ab’ taq tinamit ri maj kamisan winaq wiri’, te k’u ri’ chik ri Xe’laju’ ruk’ 15 rech 24 ri’, eri San Marcos ruk’ 14 rech 30, eri Tz’oloja’ 11 rech 19 xuquje’ ri Quich’e ruk’ 10 rech pa 21 uq’ab’ilal taq tinamit ri’.
Xuquje’ e pa taq ri waqib’ uq’ab’ taq tinamit ri’ ri maj jun winaq xkamisax tane’ jeri’ pa Baja Verapaz, Chimaltenango xuquje’ pa Chuwi’meq’ina’. E pa Sacatepéquez xuquje’ pa Suchitepéquez ri’ maj jun pa taq ri job’ chi uq’ab’ tinamit k’o pa jujun tinamit ri’.
Rumal ri’, pa Alta Verapaz xuquje’ pa Jutiapa ri’ xya’taj utzijob’exik che kajib’ uq’ab’ tinamit chi la’ k’ut maj jun winaq xkamisan tane’ ri’; e pa El Progreso, Retalhuleu xuquje’ pa uk’u’x nimatinamit Iximulew ri’ pa jun uq’ab’ tinamit rech pa jujun ri’ ri maj kamisan winaq xk’ulmataj tane’ ri’, ri maj jun winaq kamisam tane’ pa taq le q’ij ri’.
Eri xb’antaj kowonem ruk’ ri’ are la’ kuq’alajisaj ri utzilaj b’anoj chajinem tzukunik taqom ub’anik kumal ri q’atb’al tzij rech ri Wokom K’amal B’e Amaq’ Iximulew pa reqale’n uchak ri Ministerio rech Gobernación ri’ ub’i’ (MINGOB), pa le uq’atexik taq ri b’anoj k’ax xuquje’ ri ub’anik kub’isal k’u’x chajinem winaqil e’aj iximulew ri’.
Eri jujun taq uq’atexik ri molaj b’anol k’ax pa rulewal ama tinamit aj iximulew, xb’antaj kowonem ruk’ pa saqilal ub’anikil ri’, rech pa le ujachik ri ub’ixikill chak b’anom xuquje’ruk’ ri ya’talil winaqilal ri’, ri xkub’isax ub’anik ri’ che ri jujun b’anoj chajinem kumal ajchajin tinamti are la’ kakib’ano jacha le utaqom ub’anik rumal ri taqanem tzij pa ub’anik utzilem chi ke ri winaqilal ri’.
Eri q’atb’al tzij sib’alaj xkiya utzijol che xkiterne’j ub’anik ri chakunem ri’ ruk’ ub’anikil saqilal rech pa le ya’ik uchuq’ab’ ri ya’olchajinem winaqil, ri uq’atexik ri b’anoj k’ax ri’ xuquje’ rech pa uk’ub’isaxik ya’ik uchuq’ab’ ri joremal chi ke ri winaqilal pa rulewal amaq’ tinamit. Xuquje’ rech xya uq’ij ri kemonchak pa taqawokajil xuquje’ ri kitatb’enik ri winaqilal ri’ are la’ qas nim uwa’lib’alil ub’anik rech ub’anik ri chak taqim ri’.