Pa aninaqil eri reqa’lenelab’ ri Grupo de Acción Rápida (GAR) rech ri Wokajil Ajchajin Tinamit (PNC) xekowon che uchapik ri achi b’anol k’ax xuquje’ xkiriq jun k’aqb’al q’aq’ ruk’. Ri are xb’antaj kowonem xchapik are chi’ b’enaq chi rij jun kejach’ich’ pa le 6ª calle xuquje’ 3ª avenida, colonia El Incienso, zona 3 uk’u’x nimatinamit,

Eri K’amal B’e rech ri PNC, David Custodio Boteo, sib’alaj xuya ub’ixik che rumal pa aninaqil ri wokajil ajchajin tinamit, xeb’e che rilik ri xkib’ij loq ri wianqilal chi k’o jun achi reqam k’aqb’al ri’. “Are ch’ xe’o´pan chi la’, rumal ri’ xriqitaj jun achi ub’i’ a Anderson Steven Say Ortiz, 25 ujunab’ ri’, reqam jun k’aqb’al q’aq’ ri’ ruk’ 30 ub’aq’ ka’qb’al ri utz kakojik”, xcha’.

Eri Custodio Boteo xuquje’ xub’ij che ri b’iw ub’ixik kumal ri e’utz taq winaq ri’ are la’ xub’an upatan rech xb’antaj kowonem xchap loq jun achi ri’. “Eri nim upatan ri’, xuq’alajisaj che ri jun achi’ xya’taj loq utzijol che b’enaq che ukamisaxik winaq chi la’ k’ut, rumal xb’antaj kowonem xto’ik uk’aslemal ri jun winaq ri’, are la’ utaqim ub’animri Wokajil Ajchajin Tinamit ri’”, xcha’.

“Eri xtaq ub’anik rumal ri Ministro rech Gobernación rech pa amaq’el kab’an ri kachajixik ri k’olib’alil ri’, rech ub’anik ri puqchajinem pa ronojel rulewal qatinamit”, xcha’ ri K’amal B’e Custodio Boteo.

Xaq pa le keb’ q’ij ri’, eri wokajil ajchajin tinamit xkib’an k’iyalaj taq puqtzukunem pa taq ri k’olib’alil, pa taq nimab’e che ri ke’ok’ow wi ri ch’ich’ xuquje’ pa taq rulewal k’olib’alil ri winaqilal, rumal ri’ xechap loq nik’aj winaq e b’anol taq k’ax ri’, xuquje’ k’o ri jastaq xkiriq lqo.

Eri Taqawokajnel Chajinem pa Amaq’, Francisco Jiménez, pa le uwachwuj pa kaqiq’ ub’i’ X, xub’ij utzijol che pa 21 rech septiembre kanoq, xb’antaj kowonem xechap loq e 175 chi winaqilal, xriqitaj loq 15 chi k’aqb’al q’aq’, xuquje’ b’elejeb’ chi ch’ich’ xuquje’ kajib’ kejach’ich’ ri’. Xuquje’, xumaltyoxoj chi ke ri winaqilal rumal xkiya loq pa aninaqil pa le ch’aweb’al pa le 110 rech ri PNC. “Uj k’ori’ xuquje’ kaqaterne’j b’a’ kachapik ri’”, xcha’.

Pa konojel ri xechapik, e k’o 145 chi winaq ketajin che b’anoj k’ax ri’ xuquje’ e k’o 30 xechapik rumal xtaq kichapik rumal q’atb’al tzij. Ruk’ ri b’anoj kichapikr i’, are tajin ya’ik uchuq’ab’ ri b’anoj chajinem ri’, rech uq’atexik taq ri b’anoj k’ax, jeri’ rech kakub’isax kachajixik ri winaqilal, xuquje’ ri kijastaq pa tinamit.