Paq’ij martes ri’, eri reqa’lenel ri Comisaría 14 rech ri Wokajil Ajchajil Tinamit (PNC) xkichap loq keb’ b’anol k’ax ri kakib’an elaq’ pa ch’ich’ rech ereb’al winaq pa le Calzadad Roosevelt, zona 7 rech nimatinamit.
E are k’ut a Jonathan Edilson Velásquez, 27 ujunab’ xuquje’ a Juan José Velásquez Velásquez, 42 ujunab’, e uwinaqil salvadoreño ri’, ri kab’ixik xe’aq’an che b’anoj elaq’ chi ke winaq e ajb’inisaxel pa jun ch’ich’ pa tinamit, rumal ri’ xech’ay kumal ri winaqil ri’.
Eri xechapik are rumal k’o jun winaq pa awalik xub’ij chi ke ajchajil tinamit rech Mixco, pa kaq’ab’ xejach wi nik’aj b’anol k’ax ri’.
Eri xechapatajik xriqitaj jun pusb’al kuk’, ri are la’ xkikoj che kaxib’ixik ri winaq e ajb’inisaxel pa le ch’ich’, ruk’ oxib’ mochhilas, k’i taq ch’aweb’al, k’olib’al pwaq, wujpwaq rech ja k’olme’r, pwaq xuquje’ ruk’ nik’aj jastaq atz’iyaq ri’.
Eri nik0aj elaq’om ri’ xesakatajik xuquje’ xek’am b’i pa jun ja rech xekunaxik sib’alaj e chajim kumal ajchajil tinamit.