Pa jun tzijolinem xb’antaj pawe q’ij kamik pa jun hotel uk’u’x nimatinamit, eri Ministro rech Gobernación ruk’ ri Viceministro rech Seguridad xkiya utzijol chi k’o 35 mil chi reqa’elenel ri Wokajil Ajchajil Tinamit (PNC) ketaq b’i are keb’ q’ij karaj kamajtaj ri Uq’ijol Cha’onem K’ak’ Q’atb’al Tzij 2023 pa jalajoj taq uk’olib’alil cha’onik ri’.
E k’o 7 mil chi ajchajinelab’ kakitunu kib’ pa le puqchajinem ri’, xcha’ ri Taqawokaj Ya’olchajinem pa Amaq’.
“Eri chakubb’al ub’i’ MI3 (retal uwiq’ab’aj) are kakoj pa le rilik kitzijolil ri winaqilal. Xuquje’ are kakoj pa rulewal tinamit rech pa kub’sib’al k’u’x b’a’ kecha’on ri winaqilal ri’”, xcha’ ri nimapatanel.
Man k’ot wujil ri’ kak’am b’i pa taq le ch’ich’
Eri Ministro rech Gobernación xub’ij chi man k’ot wujil rech cha’ob’al kak’am ta b’i pa le patrullas ri’ xaq xu’ wiri’ kakich’ib’ilaj nik’aj chik ch’ihc’ kak’amoj b’i rech. “Jeri’ kab’an chech rech man k’ot itzelal kach’ob’ tane’ chi rij ri’ eri rajawtzij rech ri Tribunal Supremo Electoral (TSE)” kek’amoj b’i rech” xcha’.
Mesa de seguridad
Pa komon chomanem rech kub’sib’al k’u’x ri’
Pa le Komonchak Taqawokajil rech Kub’sib’al K’u’x ri Nim upatanib’al xb’antaj rumal ri TSE rech xkiya ub’xik ucholajil chi rij ri Mapa rech Riesgo, ri Cholchak rech Chajinem xuquje’ ri Rilik pa Juntir wari’.