Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) ruk’ ri Unidad Aérea rech ri Ministerio rech Gobernación (UNAGOB), pa ch’ich’ kab’in pa kaj xkik’am loq jun eqa’n chi cocaína, pa le Base Naval rech ri Saqpalow k’a pa le uk’olib’al ujastaq ri SGAIA rech ri PNC, zona 6 rech uk’u’x nimatinamit. Eri awan kunb’al ri’ xriqitaj loq iwir pa jun puqtzukunem xb’an kuk’ reqa’lenel ri Centro Interinstitucional rech Q’ateb’al Poq’san K’ayin Awan Kunb’al pa Iximulew ri’ (CICNAG).
Eri q’atb’al tzij xkajilaj k’o 2200 chi pisom jastaq pa 110 chi koxtar k’olib’al ri k’amom loq pa jun ch’ich’ jukub’al pa le Saqpalow ri’. Eri q’atb’al tzij rech ri Marina rech ri Defensa Naacional (MDN) xkiriq loq jun nim ch’ich’ jukub’al ri’ ri xkik’am loq chi uchi’ juyub’ chi la’. Pa jun puqtzukunem ri’ e ko oxib’ chi winaq e uwinaqil colombiana xuquje’ ecuatoriana ri’, ri kab’ixik chi xeyut b’i pa taq ri q’atb’al tzij rech kechomax ri’.
Eri jun nim eqa’n awan kunb’al ri’ xk’am b’i kumal reqa’lenelab’ Antinarcóticos rech ri PNC, rech kapajik janipa’ pa ronojel pajib’al reqam ri’ xuquje’ rech katzukux uwach upetib’al ri’. Ruk’ ri utzukuxik uwach ri’ chi’ kaq’alajin wi ri uchakunik tajin kub’an ri Wokom K’amal B’e Amaq’ Iximulew pa kachakunik taq ri Ministerio rech Gobernación (Mingob) xuquje’ ri Defensa Nacional (MDN) pa le uq’atexik taq ri nuk’molaj b’anol k’ax pa taq Nimatinamit.