Eri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit ub’i’ (PNC) xuya utzijol, che ri uwach ri chak ub’anom rech tzukno’jchak ri’ xuquje’ rech uterne’xik ri tzijol ya’om loq pa taq ri puqchajinem ri’, xb’antaj kowonem xriqitaj 172 chi pisoj rech cocaína pa le rulewal tinamit rech Escuintla, eri rajil kab’ixik are k’o Q17.671,581.00. chi pwaqil ri’. Are xriqitaj ri’ pa le parqueo público rech ri Centro Comercial Interplaza Escuintla ri’, chi la’ k’ut xriq wi loq jun ch’ich’ kab’inisaxik jun picop ri k’amom wi b’i ri awan kunb’al xriqitajik.
Pa puqsolinem ri’, eri eqa’lenelab’ e are’ xkiya ub’ixik che xkiriq k’i pisoj ruk’ cocaína ri’, ri xk’am b’i kumal q’atb’al tzij. Pa le puqchajinem tzukunik ri’ xpis b’i awan kunb’al ri’, rech te k’uri’ kak’am b’i pa taq Uk’olib’alil Jastq rech Q’alajisab’an Awan Kunb’al ri’.
Katajin ri puqchajinem tzukunik pa rulewal amaq’ tinamit
Eri puqchajinem tzukunik ri’ are la’ xutun rib’ ruk’ ri xriqitaj kanoq pa k’isb’al wuqq’ij, chi’ k’uri’ eri SGAIA xub’an k’i puqchajinem tzukunik rech xusach uwach ri tiko’n rech awan kunb’al ri’ pa rulewal taq tinamit rech Marcos xuquje’ Petén.
Pa jun puqchajinem tzukunik xb’an pa le caserío Agua Calente, Sipacapa, San Marcos ri’, eri eqa’lenelab’ anticarcóticos xkiriq k’ut xkiporoj k’ut 3,725 raqach chi ichaj ri marihuana ri’, eri rajil Q1.396,875, are rajil taq ri k’ayin awan kunb’al, eri pwaq ri are ri’ ri xesax chi ke ri molaj b’anol k’ax e’ajtikol rech awan kunb’al xuquje’ rech kakik’ayij.
Pa junamamil ri’, pa jun k’ache’laj rech Poptún, Petén, eri wokajil ajchajinelab’ antinarcóticas ri’ xkiriq k’ut xuquje’ xkiporoj jun peraj chi tiko’n rech coca, chi la’ k’ut xkiporoj wi 10,200 chi raqan ichaj rech awan kunb’al ri’.
Eri SGASIA sib’alaj xkiya utzijol che katajin jun nimalaj k’aqatexik ri narcotráfico xuquje’ ri e molaj b’anol k’ax, pa amaq’el k’ut katajin ri puqchajinem rech tzukno’jchak, rech kaq’atexik, rech kaporoxik kasach uwach ri’ rech pa kub’al k’u’x kek’oji ri winaqilal e’aj iximulew pa joremal ri’.