Aretaq xkoj ri b’anoj tzukunem ya’olchajinik rech b’anob’al utzilem pa taq le zona 6 xuquje’ 21, pa we taq q’ij ri’ eri q’atb’altzij rech ri Wokajil Ajchajil Tinamit ri’ xkiya’ utzijol che k’o 269 chi ub’aq’ k’aqb’alil xraqataj pa taq le keb’ wokja ri’, eri b’anoj tzukunik ri’ are xtob’ax ub’anik kumal taq ri wokajil rech ri PNC rech ya’el uchuq’ab’ ri 94 b’anoj tzukunik pa komonchak kuk’ ri Q’atol tzij rech ri Ministerio Público ri’.
Xuquje’ k’o 179 kijuch’unik pandilleros rech ri Barrio 18 xuquje’ ri Mara Salvatrucha xchupisax pa taq le zona ri’. E k’o 27 chi winaqil xechaptaj loq rumal jalajoj kimak ri’, k’o kajib’ k’aqb’alil, b’elejeb’ ch’awib’alil, ruk’ keb’ kejch’ich’ xuquje’ oxib’ ch’ich’ keb’inisaxik xeraq loq. Eri e ajchajil tinamit xe’uk’ap b’i pa Migración e kajib’ winaq kab’ixik maj saq ta rij xe’ok loq pa we amaq’.
Eri b’anoj tzukunem ri’ xuya’ pa retal rech xtaq katzijol 11 mil 530 chi winaqil, rech xkita katzijol 4 mil 900 chi winaqil ri’, e k’o 371 ri’ xil katziol pa le tecnología M13, e k’o 4 mil 682, 890 chi ch’ich’ xta katzijol, e k’o 4 mil 593 chi kejch’ich k’o kuwuj ri’, e k’o 1 mil 240 chi kejch’ich’ k’o kuwuj pa juntir ri’.
Eri q’atb’altzij k’o jun sik’inik xkib’an chi ke ri winaqilal rech chakib’ij b’a’ b’anoj kakilo pa le ch’awib’alil 110 ri’ chi’ k’u ri’ e k’o 768 chi winaqil k’o ri xkib’ij loq, jeri’ pa le 1518 rech ri PNC, pa le 1561 xuquje’ pa le 1574 rech ri MP.