Rumal ri xutaq ub’anbik ri ministro rech Gobernación, David Napoleón Barrientos, eri quinto viceministro, Fernando Rodas, xusolij uwach taq ri k’olib’al ri ya’olchajinem pa wokajilal ri wokom uwach ri Plan Operativo Táctico Integral 13-2022, pa le kilómetros 132 nimab’e kab’e Pasaco, 157.5 ruta CA-2 Frontera Pedro de Alvarado xuquje’ Valle Nuevo, Jutiapa ri’. Eri taqim ub’anik are rech yab’al uchuq’ab’ ri chajinem xuquje’ ri kichapik ri winaq e q’axel b’i pa amaq’ ri’ maj kiwujil.
Eri k’olib’al ya’olchajinem ri’ rech k’o chajinik winaqil, ri tob’am ub’anik uwach kumal ri Diprona-PNC, Wokaj Ajchajin Iximulew xuquje’ ri SAT.
Eri patanel ri’ xub’ij che ri chajinem pa komon wokaj ri’ rech kuya’ ri jujun uq’ab’ wokaj re rech chajinem chi ke ch’ich’ keqam winaq, ch’ich’ b’inisam kumal winaq xuquje’ keqam alilaj jastaq.
“Tajin wari’ rech uq’atexik k’ayin awan jastaq xuquje’ ri maj uwujil ko’k loq; jeri’ rech kilik we ri winaq keqam loq kiwujil rech keq’axik pa qatinamit”, xcha’ ri Rodas.
Eri nab’e uwach ri Plan Operativo ri’ are xmajtaj pa le 29 rech marzo xuquje’ xk’is pa le 28 rech abril pa we junab’, chi’ k’u ri’ xechap b’i pa migración e 1523 chi winaqil naj kapetik xuquje’ kuk’ 49 nik’aj chik winaq; xriqitaj k’ut, 196 chi ub’aq’ k’aqb’al, julajuj chi k’aqb’alil ruk’ kajlajuj chi ch’a’wib’alil.
Eri viceminisro xub’ij chi ke ri winaqilal rech we k’o k’ut kakilo chakib’ij loq pa le 110 rech PNC.