Eri jun extraditable Adelfo Federico Valdez Santos, ukojomb’i’aj “Lico Valdez”, ri are xchapataj pa viernes ri’ kumal ri kemonchak rumal ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), ruk’ utob’anik taq ri angencias antidrogas ruk’ ri q’atb’al tzij rech uq’atexik k’ayin awan kunb’al ri’.
Pa le puqtzukunem k’o ri xchap ri’
Pa saqarib’al kimik xb’an jun puqtzukunem rech kaq’atexik nik’aj molaj b’anol k’ax e k’o ri narcotráfico ri’ ri pa awalik kek’ayin ikam che ri amaq’ tinamit ri’.
Are la’ uwachinem ri tzukno’jchak xb’an kumal e’ajchajin tinamit ri’ pa le tzukunem ri’ xb’antaj kowonem xchap ri jun achi ub’i’ a Adelfo Federico Valdez Santos, ukojomb’i’aj “Lico Valdez”, kab’ixik are ajtaqonel rech ri jun molaj b’anol k’ax rech narcotráfico ri’ ri Kub’an nimak’ax pa rulewal tinamit rech Los Amates, Izabal.
Kab’ixik k’o k’ax xkib’an pa taq amaq’ib’ ri’
Eri jun ukojomb’i’aj “Lico Valdez” ri are taqom uchapik rech kataq b’i pa japache’ q’atb’al tzij pa Estados Unidos rech América ri’ rumal eri umak xub’an k’ayin awan kunb’al chi la’ k’ut. Eri tzijol xuya loq ri inteligencia ri’ che ri jun achi xchapik eri rachoch k’o chi la’ pa jun nimaja k’o pa le Los Planes rech Santa Rosa, Los Amates, Izabal ri’. Eri tzukunem xb’an chi rij ri’ are xq’alajisanik che ri jun molaj b’anol are ajtaqonel rech ri’ e’ukojom e k’ilaj chi ch’ich’ rech xkib’an ri k’ax ri’.
Pa uterne’xik ri jastaq q’alajisab’al rech ri’ xuya pa retal rech xb’antaj kowonem xchap ri jun achi ajpache’ pa nimatinamit naj rech kataq chi la’ rech kaq’at tzij pa uwi ri are. Xuquje’ xb’an uch’ob’ik ucholaj ri jastaq ri xriqitaj pa taq tzukunem, pa usolixik, pa uk’amik b’i ri jastaq xeriqitaj ri’.
E k’o q’alajisab’al ri’
Eri tzukunem xb’an chi rij ri’ xuq’alajisaj kuwach nik’aj molaj b’anol k’ax ri’ che ri ukojomb’i’aj “Lico Valdez” are kachi’l nik’aj chik molaj b’anol k’ax ri’, ri xkib’an b’anoj taq k’ax ri ya’om utzijol pa rulewal taq tinamit rech Izabal xuquje’ Petén.
Eri Ministerio rech Gobernación pa le utaqanik ri Ministro Marco Antonio Villeda xub’ij che tajin uterne’xik utzukuxik uwach ri b’anoj kaq’atexik ri ajk’ayin awan kunb’al ri’.