Pa le b’anikil kaye’jib’al tajin kab’an kumal reqa’lenel ri Subdirección General rech Q’ateb’al K’ax ri’ rech ri Wokajil Ajchajil Tinamit (SGPD-PNC) k’o ri Programa rech Exploradores Policiales, ri k’o e juk’al chi ab’om alitom xuquje kitat nan xek’ejeb’ pa le Reserva Finca Patrocinio, k’o pa le kilómetro 196 ruta San Marcos Palajunoj, Xe’laju’. Chi la’ k’ut xkib’an wi k’i taq uwach kaye’jnik pa molajil xuquje’ rech xkikajmaj le rilik ri kajulew k’ache’laj.
Pa le kib’ininik, xewa’kat chaq’ab’ xuquje’ xkib’an jun kopanik pa le mirador rech taq ixkanul, chi la’ k’ut xkil wi panoq ri Santa María, ri Santiaguito xuquje’ ri Santo Tomás o Cerro Pecul. Pa nik’aj chik b’anonem, eri puq ri’ pa le Instituto Nacional Nocturno rech Educación Media, k’o pa le 3ª calle 6-49 zona 4 rech Retalhuleu, xkib’an wi rilik ub’anikil ri Taqanem rech Protección Integral rech Niñez xuquje’ Adolescencia, rech q’alanik chi rij acoso escolar, chi ke ri 68 chi ab’om alitom. Eri b’anon q’alanik ri’ rech kuya uchuq’ab’ ri chak kuk’ taq ri ak’alab’ xuquje’ ri e q’apojil, rech jun yab’al chi ke rech kich’ob’ uwach taq k’olib’al uxlanb’alil uxquje’ chi rij nik’aj chik utzilem chi ke rech ronojel utzil joremal.