Le Ministro rech Gobernación, Francisco Jiménez, Francisco Jiménez xub’an jun nim riqonem ruk’ Rajjq’atal Tzij ri Unión Europea rech ri Ya’talil Echab’al Chi kech Winaq, Olof Skoog, rech xchomaxik ri upatan uwokajil le Wokom K’amal B’e Amaq’ chi rij le ya’talil winaqil ri’ jeri’ le retaxik rilik kuwach le Ukajmab’al rech Kato’ik Kachajixik ri E’ajpatan Tob’anelab’ rech Ya’talil Winaqil pa Tinamit.

Pa le riqon ib’ ri’ are jun le K’amal B’e rech ri Comisión Presidencial rech Ajchoman K’olem pa Joremal xuquje’ ri Ya’talil Winaqilal ub’i’ (COPADEH), Yolanda Pérez, ri Embajador rech ri Unión Europea pa Iximulew, Thomas Peyker, xuquje’ ruk’ le Subdirectora Ejecutiva rech ri COPADEH, Arely Zea, kuk’ nik’aj chik rajchomanelab’ taq nimatinamit pa uwachulew.

Pa le xuya ub’ixik utzijol le Ministro Jiménez ri’ sib’alaj xuya ub’ixik che ri ub’anikil ri komonchak ruk’ ri wokajil q’atb’al tzij are rech wa’lijsaxik uto’ik uwach ri ya’talil winaqilal pa rulewal qatinamit. Xuquje’ eri nim patanel ri’ xub’ij che qas kakub’isax uto’ik ri ya’talil winaqil chi kech ri winaq ri’ are la’ qas upatan runimal ri k’olemal pa le tinamit rech jikom utzil taqanem kab’an ri’.

Eri K’amal b’e rech ri COPADEH, xuya ub’ixikil ri chak b’anom k’a pa le nimakomon rech upatanexik ukajmaxik ri taqanem pa tinamit rech ya’ik uchuq’ab’ ri b’anoj chak tob’anem chech ri ya’talil winaqilal pa tinamit aj iximulew.

Pa le riqon ib’ ri’ xchomax wi ri chak kab’an utzil chech ri Ya’talil Winaqilal ri’, pa Nimamolajil Winaqilal kuk’ ri Q’atb’al Tzij rech Qawinaqib’ pa Tinamit rech Utobik Uwach Ya’talil Winaqib’ ri’, rech kaq’atexik ri k’ax chi rij ri’ rech kakub’isax kato’ik ri Ajtob’anelab’ rech ri Ya’talil Winaqila pa nimatinamit.