Eri reqa’lenel ri wokaj e rajawaxik rech ri Wokajil Ajchajil Tinamit (PNC) xkiya utzijol che xkichap loq jun achi ub’i’ a Josué N, 21 ujunab’, xuquje’ are chi’ xriqitaj loq lajuj chi ch’ich’ xaq kub’ij pwaq ri’ are la’ xriq pa jun puqtzukunem chajinik pa komon wokajil xb’an le k’olib’al Chajinem pa Komon Q’atenik pa Wokajilal (PCI), k’o pa le kilómetro 264 ruta CA-13, pa ujuyub’al le Río Dulce, Livingston, Izabal ri’. We jun b’anoj tzukunem q’atenik ri’ are la’ xb’an pa komon kuk’ ri reqa’lenel ri Wokajil E’ajchajil Amaq’ Iximulew xuquje’ kumal le rajchak le Superintendencia rech Administración Tributaria (SAT) ri’.
Pa le tzukunem ri’, xb’an usolixik le jun ch’ich’ reqam le placas rech b’inisal rech P 339DSW, chi la’ k’ut xeriqitaj lajuj chi ch’ich’ kub’ij pwaq ri’, eri rajil pa le aduana ri’ are kopan qaraj pa Q412 mil 208 chi pwaqil ruk’ taq 14 setpwaq sentaw ri’. Eri nik’aj ch’ich’ rech b’iq’b’al pwaq ri’ are kojom pa ub’i’ b’anob’al atz’iyaqb’alil ri’. Eri jun achi xchapik xk’am b’i pa q’atb’al tzij ri’ rech kaq’at tzij chi rij rumal ri k’ax xub’ano rech b’a’ kachomaxik.
We jun chak q’atenik pa komon wokajil ri’ are la’ qas kuya uchuq’ab’il ri b’anoj chajinem tajin ub’anik rumal le Wokom K’amal B’e Amaq’ Bernardo Arévalo pa le uchakunib’al le Ministerio rech Gobernación (Mingob) rech kaq’atexik ri nuk’molaj e b’anol k’ax ri’, rech b’a’ k’o pa ucholajil le q’attaqanem kab’an pa tinamit ri’ rech ya’tal b’a’ le joremal chi kuxo’l le winaqilal ri’.