Eri b’anoj chajinem xtaq ub’anik rumal ri Ministerio rech Gobernación rech xkisaqab’isaj pa le rachoch ri japache’. Are la’ xb’an paq’ij domingo 7 rech julio xkib’an jun tzukunem pa Pavoncito, k’o pa Fraijanes, Iximulew, chi la’ xriq wi k’i uwach taq jastaq maj usaqil upetib’al.
Pa le tzukunem xek’oji e 400 chi reqa’lenel ri chakuja e rajwaxik rech ri Wokajil Ajchajil Tinamit (PNC) xuquje’ rech ri Grupo Élite rech ri Sistema Penitenciario (SP), rech xtaqixik ri b’anoj chajinem pa rachoch taq ri japache’ tz’apil winaq.
Pa le tzukunem xb’an chi la’ pa kik’olib’alil ri Mara Salvatrucha, chi la’ e tz’apil wi 277 chi winaqil. Chi la’ k’ut xriq wi job’ chi k’olob’ch’ich’ rech ch’aweb’alil, oxib’ jekib’al retal Internet satelital, jun woch’ob’al, jun tub’ub’al marihuana ri’, kajib’ juchol kib’i’ winaq ruk’ kich’a’web’al tz’ib’atalik, keb’ ch’ich’ ramib’al puch’b’al xuquje’ oxib’ paqalib’al uqulil.
Xuquje’ xriqitaj qas kitzijol oxib’ winaq e tz’apilik, e are k’ut: a Henry Josué Socoy Pop, 44 ujunab’, ri are rech El Salvador; a Kevin David Méndez Vásquez, 22 ujunab’ xuquje’ a Oscar Geovanni Aguilar Villa Lobos, 23 ujunab’, ri xechap chi rij ri kolob’ch’ich’ xriq chi la’ xuquje’ ri xporox kumal ri q’atb’al tzij rech chajin tinamit.