Pa aq’ab’il rech q’ij viernes 20 rech junio xmajtaj ri chomanem kumal ri q’atb’al tzij xuquje’ ri rajchak rech le Ministerio rech Gobernación (Mingob). Le nim wokom rachoch le wokajil ri’ xe’uk’ul apan le embajadoras rech Teletón xuquje’ Fundabiem, Génesis Zacarías xuquje’ Nahomí de la Cruz, kachi’l taq kachalal kuk’ rajpatan le wokajil ri’.

Xkimaj ri wa’katem pa le sótano rech le rachoch wokom ja, chi la’ k’ut eri xek’ulik kumal ri q’atb’al tzij rech ri Mingob. Te k’uri’ xe’opan pa chi uwach, chi la’ pa uxukut ri ja’ pa le uk’olib’al chi la’ xkik’ut wi retal ri kichak kakib’an le binomios K-9 rech ri Wokajil Ajchajil Tinamit, are kiwach jun eqa’lenel antinarcótico ruk’ jun tz’e’ ajtzukunel.

Eri xk’utik rachi’l ri etz’anem ri xuq’alajisaj che nim upatan le chak tajin kab’anik pa le wokajil rech ya’olchajin winaqil pa tinamit. Are chi’ xb’antaj wa’, ri nab’e puq ri’ xe’opan pa le oficinas rech taq le viceministerios xuquje’ xketa’maj le rilik le q’atan chak kub’ano pa le Ministerio. Xek’ul apan rumal le Viceministro rech Seguridad, José Portillo te k’uri’ xek’ul rumal le Viceministra rech Prevención, Mayda  De León.

Te k’uri’ chik xe’aq’anik pa le tercer nivel pa taq le salones che ri kamol wi iib’ ri kab’an wi chomanem. Pa le Salón Mayor xb’an wi jun k’utub’alil chi rij le chak tajin kub’an le Mingob chi la’. Eri wa’katib’al ri’ xk’ij pa le parqueo k’o chi uwach, chi la’ k’ut le Niñas Embajadoras xe’aq’an wi pa jun radiopatrulla xuquje’ ri xiya wi tzijol chi rij taq li kuwenta kakib’an ri ch’ich’.

Eri b’anowem rech Teletón, eri upatan are kumol upwaq urajil le Fundabiem, ri kab’an ri’ pa le 18 xuquje’ 19 rech julio pa le Parque rech le Industria. Pa le b’anonem ri’ ke’opan wi e jalajoj kiwach taq e’ajb’ixonelab’ e’ajetz’anel rech ketob’anik ruk’ le wokajil ri’ rech kakisik’ij ri winaqilal pa le nim upatanib’al kab’an ri’ ku’ ri e yowab’ chi’ rech ya’ik b’ixik kikunaxik.