Oxib’ q’ij chik ok’owinaq xb’an ujalik uwach Rachoch ri Japache’ ub’i’ Centro rech Alta Seguridad Canadá, ub’i’ kab’ixik “El Infiernito”. Rech xterne’x ri chajinem tzukunem chi la’ kumal ri wokajil ajchajil tinamit, we kamik keb’ escáner ri nim upatanib’al xkoj ri’ rech xtzukuj pa taq woxan, pa taq le tz’aq, pa le upam ri ja chi’ ri jastaq awam chi’. Eri chakub’al ri’ e are xq’alajinsan rech keb’ k’aqb’al ruk’ juk’al oxlajuj chi ch’a’web’al, ruk’ nik’aj chik jastaq.
Pa le nab’e q’ij rech tzukunik chi’ xriq juk’al oxlajuj chi ch’a’web’alil, ruk’ yab’al uq’aq’elil, ruk’ pwaq nuk’ulik xuquje’ ruk’ taq pisob’al rech awan jastaq chi la’. Xuquje’ eri tzukunelab’ xkimaj ukunaxik uwo taq ri xan chi la’ pa le japache’. Are chi’ xk’is ri chak kumal, sib’alaj k’ak’ chik utz chik rilik xkib’an ri’.
Ruk ri tzukunem xtaq ub’anik rumal ri Q’at K’amal B’e Amaq’ Bernardo Arévalo xuquje’ rumal ri Ministro rech Gobernación are rech xkib’an usuk’umaxik ri rachoch ri Sistema Penitenciario ir’ xuquje’ rech q’atenik taq ri b’anoj k’ax kab’an loq k’a chi la’ k’ut.