Pa taq ri b’anonem ri xq’alajisax wi ri nimachak tajin rumal ri wokom k’amal b’e tinamit ruk’ ri chajin winaqil ri’, xuquje’ ruk’ uwi katijoxik ri e’ajchajin tinamit ri’, le Nan Presidenta rech funciones, Karin Herrera, xub’an jun solinem pa le Academia rech ri Wokajil Ajchajin Tinamit (PNC), achi’lam rumal le Ministro de Gobernación, Francisco Jiménez; le Viceministro rech Seguridad, José Portillo; le Viceministro rech Tecnología rech ri Información xuquje’ ri Comunicaciones, William Cameros; le Viceministra rech Prevención reh ri Violencia xuquje’ ri Delito, Mayda De León; xuquje’ ri Director General rech ri PNC, David Custodio Boteo, ri sib’alaj xuya ub’ixik chi k’o nim upatan ri katijoxik ri e’ajchajin tinamit pa amaq’il ri’.
Le ub’enam ri’ man taq jun retal uchuq’ab’ ri wokajil uya’om, xane’ are rech kuk’utu ri wokom k’amal b’e tinamit kukub’isaj ub’anik ri tijonem pa le Nimatijob’al rech ri PNC pa unimaxik taq ri taqom upatanexik ri rajawaxik rutzilal rech pa le katijoxik ri e’ajchajin tinamit ruk’ taq nim ropanb’alil, usuk’alil xuquje’ ruk’ rajeqa’lenem. Eri solin ub’anik ri’ are kutaqij uya’ik uchuq’ab’ ri b’anoj tijonem eta’manik, rech ub’anik ri nimanem uquje’ pa utzilal, xuquje’ rech pa jikomal ketijoxik ri e’ajchajin tinamit ri’rech pa chajin tinamit.
Eri Academia rech ri PNC are ri’ k’o jun nim upatanib’al pa le wokajil chajin tinamit, rumal k’ut are le taqawokajil ri kumaj katijoxik ri eqa’lenel chajin tinamit winaqilal. Eri kopanib’al ri q’atb’al tzij k’amal b’e Amaq’ pa le wokajil ri’ are kuk’utu che ri wokom k’amal b’e tinamit k’o jun nim b’anoj ya’ik uchuq’ab’ ri wokajilal ketajin che ub’anik xuquje’ rech katerne’x ri unimaxik ri ya’tal chi kech uwinaqil tinamit, ri banoj suk’alil ruk’ reqele’mnik kachajixik ri winaqilal kumal ri e’ajchajin tinamit pa chuwe’q kab’ij, eri e’ajchajin tinamit ri’ e’are k’ut ri e’utz, e suk’ e kub’sib’al k’u’x ri’.
Eri taqim pa tijonem, pa ya’ik uchuq’ab’ ri PNC xuquje’ are utaqim uya’ik ri kichokonsab’al ri e’ajchajinel rech utz kakib’an che ri kichak. Ri b’anoj utzilem pa taq ri tijonem rech chajin tinamit are la’ k’o nim rajawaxik rech kub’ano kanimaxik ri ya’tal chi kech ri winaqilal. Eri pwaq jastaq pa le tijonem, pa le uwi katjoxik ri e’ajchajin tinamit, are k’o jun upatan retal rech pa le uq’atexik ri b’anoj taq k’ax xuquje’ rech k’o kuya nim kub’al k’u’x chi kech ri winaqilal ri’.