Pa xik’ach’ich’ pa kaqiq’ xk’am loq jun achi extraditable are kab’ixik a Kelvin David Berón Ramírez, 36 ujunab’, ukojomb’i’aj are “Catracho” on “Crunchi”, ri xk’am loq pa Los Amates, Izabal, rech xk’am b’i pa le Campo rech Maniobras rech ri Escuela rech Formación rech Oficiales rech E’ajchajin Tinamit kib’i’ (ESFOP), zona 6 rech uk’u’x nimatinamit. Ri sib’alaj chajitalik xk’am b’ pa le japache’ tz’apib’al kech achijab’ k’o pa Mariscal Zavala, zona 17 ri’, chi la’ k’ut katz’apib’ wi k’a kak’is utoq’ixik rech utaqik b’i pache’ q’atoj tzij chi’ pa tinamit Iximulew.
Eri a Berón Ramírez taqom loq uchapik rumal ri Corte Distrital rech Estados Unidos rech ri Distrito Este rech Texas ri’ rumal k’ut xuk’ayij b’i job’ upajb’alil ri cocaína ri pa awalik xopan chi la’ pa Estados Unidos rech América ri’. Rumal ri’ xchapik, we chanim e 26 chik chi extraditable e chapom chik e taqom b’i pache’ q’atoj tzij ri k’o naj, pa junab’ ri’. Pa konojel, e k’o jo’lajuj e chapom chik rumal eri kimak e k’o pa narcotráfico xuquje’ e k’o julajuj xechapik rumal k’o nik’aj chik ri kimak.
Eri utzukuxik xq’alajisan chi k’o jun molaj b’anol k’ax ri ajq’axenel ri awan kunb’al ri’ pa le Sur, Centro xuquje’ Norteamérica, ri are ri’ k’o chom cocaína utaqom b’i pa rulewal tinamit estadounidense. Eri Berón Ramírez are ri ajq’axenel rech ri awan kunb’al pa tinamit, Honduras xuquje’ pa nik’aj chik tinamit.
Eri Ministro rech Gobernación, Francisco Jiménez, sib’alaj xuya utzijol ri’ che k’ate kanoq xechap loq nik’aj extraditable ri are la’ jun nim kaq’atexik b’anom kumal ri unidades especializadas rech ri Taqawokajnem rech Ya’olchajinem pa Amaq’, are ri’ k’o jun nim upatan xub’an pa le kachapik nik’aj e itzelalaj taq ajb’anol k’ax ri’ rumal e’are qas kakib’an ri k’ax pa keb’ taq amaq’ib’ nimatinamit.
Eri puqtzukunem ri’ are la’ xb’antaj kumal reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), pa kemochak kuk’ reqa’lenelab’ ri Unidad Aérea rech ri Ministerio rech Gobernación (UNAGOB) ri’ are la’ uwach ri kaq’atexik nik’aj molaj b’anol k’ax ruk’ ri k’ax kakib’an pa taq amaq’ib’ nimatinamit.