Pa wuqq’ij ri’, rumal xya loq ub’ixik kumal ri winaqil xuquje’ eri Wokaj Ajchajil Tinamit (PNC) pa le uq’ijol ub’anik ri Plan Belén, xya utzijol e k’o wuqub’ winaq xechap pa jalajoj taq k’olib’al rumal xek’aqan pa kaqiq’ ri’.
Chaq’ab’ pa jueves 19 rech diciembre ri’, eri reqa’lenelab’ ri Comisaría 15 xchap ri a Luis “N” 26 ujunab’, pa residenciales San Lázaro, zona 9 rech San Miguel Petapa. Pa le b’anoj chajinem xb’antaj kumal ri e’ajchajin tinamit xkiriq wi jun achi tajin kaq’an pa kaqiq’. Xriq jun k’aqb’al ruk’ maj uwuj reqam tane’ ri’.
Pa miércoles 18 rech diciembre, pa le colonia Martínez de Lejarza, zona 7, xchap ri a Luis “N”, 39 ujunab’, rumal xub’an ri k’aqanik pa kaqiq’ maj uwuj reqam, utijom tzam. Eri PNC xuriq jun k’aqb’al ruk’ jun raqarik k’aqb’al ruk’ ri’.
E k’o nik’aj chik xechapik
Pa martes 17 rech diciembre ri’, eri PNC xuk’ul jun b’iw b’ixik chi kech rumal jun loq’ winiaq pa le aldea Cristina, Los Amates, Izabal, chi la’ k’it xkichap wi loq e kajib’ chi achijab’ ri xek’aqan pa kaqiq’.
Eri xechapik e are k’ut a Byron “N”, 31 ujunab’, a Jonathan “N”, 26 ujunab’, a Ronaldo “N”, 24 ujunab’, xuquje’ a Ramiro “N”, 39 ujunab’. Eri e’ajchajil tinamit e k’o xkiriq chi la’ kajib’ chi k’aqb’al, jun maj uwuj, ruk’ lajuj utolvas, oxib’ uq’ab’ k’aqb’al xuquje’ jun raqarik ruk’ oxib’ b’ilob’al rech ri’.
Pa domingo 15 rech diciembre, eri PNC xuriq jun achi ri’ pa le barrio El Porvenir, Guastatoya, El Progreso, ri achi ub’i’ Antonio “N”, 36 ujunab’, are chi’ ub’inisam ri jun ch’ich’ q’ab’arel utzijom tzam xuquje’ tajin kaq’an pa kaqiq’. Eri e’ajchajil tinamti xuya ub’ixik che xchapik rumal k’o le jun winaq xub’ij loq.
E 42 mil chi e’ajchajin tinamit rech ri PNC xetaq b’i pa ronojel rulewal tinamit rech xkichajij ri winaqilal pa nimaq’ij rech k’isb’al junab’ ri’ are wa’ rech xunimax ub’anik ri cholchajinem ub’i’ Plan Belén xuquje’ are la’ jun uwach rech ri chak chajnem winaqil tajin ub’anik ri’ are chi’ xya loq ub’ixik chi k’o winaq xek’aqan pa kaqiq’.