Are wa’ uwach ri q’atenik ri narcotráfico pa Iximulew, kumal reqa’lenel ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC), pa komonchak kuk’ ri reqa’lenel ri Wokaj Ajchajil Amaq’ Iximulew, xkib’an ri puqchajinem tzukunik, uriqik xuquj’ rech uporoxik ri tiko’nib’al rech awan kunab’al pa rulewal qatinamit.
Rumal ri’ eri reqa’lenel ri Antinarcóticos xkiporoj 12 mil 308 chi raqan ichaj tiko’n rech awan kunb’alil, eri rajil are Q4 millones 615 mil 500 ri’. Are la’ xqupixik pa jun peraj k’ache’laj rech ri cantón Sacbichol, Santo Tomás Chichicastenango, Quiché.
Xuquje’ pa le jun peraj k’ache’laj rech Cabricán, Xe’laju’, eri ajchajil tinamit xkiya utzijol che xkiporoj chi’ 33 mil 593 chi raqan ichaj tiko’n rech marihuana, eri rajil are Q12 millones 597 mil 375 ri’.
Xq’atexik ri’
Rumal k’ut xb’antaj ri puqchajinem tzukunik ri’, eri eqa’lenelab’ ri’ ruk’ katob’anik reqa’lenel ri Unidad Especial Antinarcótica (UNESA) ri’, xb’antaj k’i taq tzukunik ri’ rech xq’atexik ri tiko’nib’al ri’, rech kachakux ri awan kunab’al ri’, rech kajipixik, rech kak’ayixik.
Eri rajilab’al taqanem 36 ri’ rech ri Taqanem Tzij rech Q’atenik ri Narcoactividad, kub’ij ronojel winaq kutiko awan kunb’alil rech kuk’ayij, k’o jun nim tojb’al chi rij pache’ pa q’atb’al Tzij pa jo’ob’ k’a pa le 20 junab’ ri’ xuquje’ kutoj ri’ k’a pa Q100 mil chi pwaqil.