Pa ronojel uchuq’ab’ b’anow chajinem ri’, eri wokajil ajchajin tinamit xkib’an uch’ob’ik pawe q’ij ri’ kataq b’i ri jun achi a Erick Neftalí “N”, uwinaq mexicana ri are, rumal are xtaq loq rumal ri q’atb’al tzij rech Estados Unidos ri’ rumal xub’an pa q’equmal k’ayin awan kunb’al ri’.
Eri are ri’ xjach b’i pa rachoch k’olib’al ri Fuerza Aérea Guatemalteca (FAG), k’o pa le zona 13 rech ri uk’u’x nimatinamit Iximulew. Eri puqtzukunem ri’ e’are ri reqa’lenelab’ Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xuquje’ kumal ri Grupo Élite rech ri Wokajil Japache’ Tz’apib’al (SP).
Eri a Erick Neftalí “N” xchap loq pa le 30 rech enero rech 2026 pa le zona 10 rech ri uk’u’x nimatinamit, pa unimaxik ri jun uchapik ri are xtaq ub’anik ub’anik rumal ri q’atb’al tzij estadounidense rech kakichomaj chi rij ri umak xub’ano chi la’ k’ut.
Eri uchapik ri’ are la’ uwach ri kemonchak tob’anik taq kumal ri Iximulew ruk’ Estados Unidos ri’ rech kaq’atexik ri nik’aj molaj b’anol taq k’ax chi’ pa qatinamit jeri’ pa nik’aj chik amaq’ib’ rumal kab’ixik eri kimak are ri k’ayin pa q’equmal awan kunb’al ruk’ nik’aj k’ax ri’.