Are wa’ uwach uya’ik uchuq’ab’ ri Régimen Penitenciario xuquje’ ri modernización rech ri sector justicia pa nab’e q’ij rech junio rech pa junab’ ri’ are chi’ kamajtaj ukojik ri tob’chakub’al ub’i’ Control Telemático pa le q’atoj Tzij rech Iximulew. Eri chakub’al are kupatanij kuyutij ri winaq pa uq’ab’ q’atb’al Tzij ri’, rech terenb’em uchajixik keqam rech ri’, jeri’ ub’anik pa aninaqil wexa’ tane’ k’o k’ax kub’an tane’ pa aninaqil ri’ keb’e rilik.
Pa le uq’ijol ri b’anoj wari’ kumal ri q’atb’al Tzij rech ri Taqawokajnem rech ri Ya’olchajinik pa Amaq’ ri’ kuk’ ri e ajtzijol rech taq ri q’axeb’al tz’ij pa le 31 rech mayo ri’ xb’an jun usolixik pa le chakuja rech ri Unidad rech Control Telemático rech ri Ministerio rech Gobernación (Mingob), k’o pa le 6ª avenida “A” xuquje’ 14 calle rech ri zona 1 rech uk’u’x nimatinamit, rech taqim le rilik kuwach ri rajchak xuquje’ ri sib’alaj xkitijoj kib’ rech xkilo chech ri kek’oji ri e ajchak ri’.
Eri Taqawokajnem rech ri Ya’olchajinem pa Amaq’ sib’alaj xuya ub’ixik che ri kopanik ri q’axal tzijol xuquje’ ri winaqilal rech kakilo ri chakum ri chomam chi rij uk’ak’arisaxik ub’anikil ri wokajil q’atoj Tzij e aj iximulew.
“Rech b’a’ eri K’amal B’e Amaq’ Iximulew xuquje’ ri Taqawokajnem rech Ya’olchajinik, sib’alaj keki’kotik chech rilik rumal xkojotaj ri Control Telemático pa Iximulew are la’ pa saqilem xuquje’ utz ukojik wari’ pa we Amaq’”, xub’ij ri nimpatanel.
“Pa le q’ij petinaq chomatal chik rech kab’an jun k’uttijonem chi ke ri e ajq’atol Tzij xuquje’ ri rajchak ri Corte Suprema rech Justicia (CSJ) rech kaketa’maj uchapik uchakuxik uwach ri’, xuquje’ rech pa saqil kapatanexik uwach we cholchak ri’. Eri k’uttijob’enik ri’ are la’ terenb’em ub’anik kumal raq’atol Tzij ri’ are rech jachin karaj kukojo kareqam wari’ rech reqam kab’e pa rachoch”, xcha’ ri Ministro rech Gobernación.
Ri ukojik
Eri Subdirector rech ri Unidad de Control Telemático ri’ xuya pa k’utem utzijob’exik uwach ukojik ri chakub’al ri’ pa le Centro rech Monitoreo ri’ rech terenb’em uchajixik xa’ pawije’ kab’e wiri’ kojom chech uch’akul ri tob’chakub’al ri’, eri chakub’al ri’ are kutaq ub’ixik retal wexa’ kesax rumal ri winaq reqam, chinaq k’ut karesaj ri’ k’o nim umak ri’ chuwach ri q’atb’al Tzij.
Jachin k’ut karaj kakoj ri chakub’al chech ri rech reqam kab’e pa rachoch kutoj ri’ Q1 mil 500 chi ik’. Chinaq k’ut kunimaj ta tzij wari’ rumal ri Organismo Judicial (OJ) kachap ri’ kak’am b’i pa japache’ tz’apib’al, k’o nim tojb’al chi rij, kab’e chik pa japache’ tz’apib’al rumal pa aninaqil kataq uchapik ri’.