Eri Amaq’ Tinamit Iximulew kuya’ uq’ij xuquje’ kuk’am uq’ab’il ri xuchomaj ri Departamento rech Estado rech ri Estados Unidos rech América, xukoj ri Barrio 18 jacha ruk’ jun itzelalaj taq b’anol k’ax pa uwachulew. Eri uq’alajisaxik kib’i’, ri xb’ixik kimik, are la’ jun kib’i’ ri man k’ot jumul b’a’ kojom ri kib’i’ ri’ pa rulewal uwachulew pa le kaq’atexik ri nik’aj e’itzel b’anol k’ax kexib’inn ri’ pa nimatinamit pa uwachulew.
Junam xib’ib’al ib’ ri’
Eri jun molaj b’anol k’ax ri’ are ub’i’ eta’min uwach jun Barrio 18 ri’ ri sib’alaj q’alajisam kiwach kumal ri q’atb’al tzij e’aj iximulew ri’ jacha tane’ ruk’ jun molaj b’anol k’ax ri man kekuyun taj, ri k’o jun ajtaqol kech, ri k’o uq’ab’il ujipim rib’ rech kakib’an ri k’ax pa rulewal tinamit. Ri uwachil are kub’an ri k’ax xib’ib’al iub’ rech kaya’taj pa kaq’ab’ ri kakaj ri’: jacha ri toq’inik pwaq, ri kamisanik, ri k’ayin awan kunb’al pa taq tinamit, xuque’ k’ate ri’, e tob’aninaq pa uq’axexik awan kunb’al pa nik’aj chik nimatinamit pa uwachulew.
Are jun k’ax xib’ib’al ib’ pa rulewal taq tinamit, ri k’o kaq’ab’ pa Iximulew, pa El Salvador, pa Honduras xuquje’ pa Estados Unidos rech América, ri e k’o kuk’ nik’aj chik molaj b’anol k’ax pa qatinamit.
Ri utaqik b’anoj uchomaxik ri’
Eri uchomaxik ri’ are la’ uwach ri chomanem qas xb’an rumal ri k’amal b’e amaq’ Bernardo Arévalo xuquje’ rumal ri ministro rech Gobernación, Francisco Jiménez, ri xkitoq’ij ub’anik ri kaq’atexik ri jun molaj b’anol k’ax ri’ xuquje’ ri xkichomaj kuk’ taq ri nimatinamit e k’o pa riqob’al ib’ ri’ rech kakito’o ri winaqilal.
Pa tob’an ib’ kemonchak, tajin kaq’atexik ri’
Eri jun nim q’alajisanem b’ixik ri’ are kuya uchuq’ab’ ri kemonchak rumal ri Iximulew ruk’ ri Estados Unidos rech América ri’, xuquje’ kutor ri uwach ri b’anom nimatob’anem ri’ pa ub’anik tzukno’jchak chi kij ri’.
Eri Ministerio rech Gobernación, pa utaqanik ri ministro Jiménez, sib’alaj kuterne’j uchakuxik xuquje’ kuk’ ri e kowilaj taq ajtzukunelab’, kuk’ ri unidades especiales, kuk’ ri wokaj e’ajtzukul kech nik’aj b’anol k’ax ri’, kuk’ ri e’ajsoliwachib’al tzij kuk’ ri e’ajpuqchajinem tzukunik.
Are wa’ jun eqale’n b’anoj chak kuk’ ri winaqilal ri’
K’a pa le Ministerio rech Gobernación ri’ sib’alaj xkib’ij che ri eqa’lenel qachak ri’ are ri’ ri ya’olchajinem chi ke ri winaqilal e’ajchalalil e’aj iximulew. Eri jun kemonchak rech ub’anik ri ya’olchajinem winaqilal e’aj iximulew ri’, rech k’o pa ucholalejil ri taqanib’alil, pawe q’ij kimik xuquje’ pa chuwe’q kab’ij rech ri qawinaqilal pa qatinamit.
Eri jun Barrio 18 ri’ man xaq ta chik jun chi pandilla ri’: xane’ e’are chik ri jun itzelalaj b’anoj k’ax xib’ib’al ib’ pa taq nimatinamit pa uwachulew. Eri kaq’atexik rech usachik kiwach are karaj jun kowilaj b’anoj taqanem chomanik, are jun j una’ojilaxik xuquje’ pa kemonchak tob’anbem ri’ chi kukwach ri Amaq’ Taq Nimatinamit che ri kechakun pa kemon chi rij wari’.