Pa k’isb’al wuqq’ij kanoq xoksax che reqale’nib’al pa le taqawokajnem, che Nab’e Viceministro rech Ya’olchajinik rech ri Ministerio rech Gobernación, ri licenciado Gendri Rocael Reyes Mazariegos ri’.
Rumal ri’ eri Ministro rech Gobernación, Edgar Godoy are xuk’am ub’e tzij aretaq xub’ij che xuya’ reqale’n ri’ “Qastzij b’a’ kanimaj uwach ri Taqanawuj rech pa Amaq’il Iximulew xuquje’ qastzij b’a’ kanimaj unimaxik ri taqanik ri’ pa le achak patan katkoj wiri’”. Are chi’ xaq’anisax ri Lakam Amaq’ chi kuwach ri winaqil chi’, eri Nab’e Viceministro ri’ xub’ij ri’ che tzij kunimaj uwach ri reqale’n ri’.
Eri Ministro xub’ij wari’, “Aretaq xub’ij che tzij kunimaj uwach ri reqale’nib’al ri’ qastzij b’a’ kunimaj le uwach uchak upatan pa saqilal pa nimatinamit ri’.
Ruk’ ukojik pa reqale’n ri’, nab’e na eri K’amal b’e Amaq’ Alejandro Giammattei Falla xub’ij che kuya’ utzij kub’al k’u’x chi rij xuquje’ are wa’ xuya’ utzijolil aretaq xraqataj pa le Comisaría 16, chi’ k’ut xumaj wi utz’aqatisaxik uwach ri taqawokajnem rech Ya’olchajinik pa Amaq’, rumal ri’ xukoj che Viceministro ri’ ri are ri’ k’o jun nimalaj uwach chak rech ya’olchajinik kub’ano xuquje’ rumal k’ut eri are ri’ qas sib’alaj reta’m uwach ri chakunem kab’an pa le taqawokajnem ri’.