Ri K’amal B’e Amaq’ Iximulew, Bernardo Arévalo, rachi’l ri Ministro rech Gobernación, Francisco Jiménez, xuk’am ub’e ub’anik ri riqon ib’ ruk’ ri Secretaria rech Seguridad rech Estados Unidos, Kristi Noem, pa le Palacio Nacional rech ri Cultura, zona 1 rech uk’u’x nimatinamit. Are jun xk’oji ri Viceministra rech Antinarcóticos xuquje’ Seguridad Fronteriza, Claudia Palencia kuk’ ri nima patanelab’ rech keb’ amaq’ib’.
Pa riqonem ri’, are xchomax chi rij ri b’anoj chajinem pa kulewal taq nimatinamit, ri kiq’axenik winaq maj kiwujil keqam, ri uq’atexik taq ri narcotráfico, ruk’ nik’aj chik b’anoj k’ax pa taq nimatinamit. Xuquje’, xkiya utzijol ri komonchak b’anom pa wokajilal ri’ rech ri b’anoj chajinem tzukunik pa k’ulb’a’t juyub’ jeri’ ri b’anoj taq k’ax.
Te k’uri’ xjuch’ uwach ri Wujilal rech ri Chomanem ri’ rumal ri Ministerio rech Gobernación (MINGOB) xuquje’ ri Oficina rech Aduanas xuquje’ Protección Fronteriza rech ri Estados Unidos rech América. Ruk’ ri chomanik ri’, kamajtaj ri cholchak ub’i’ Programa rech Seguridad Conjunta, ruk’ ri taqanik rech uq’atexik k’ax xuquje’ rech uq’atexik ri k’ax naj upetib’alil kub’an k’ax pa kulewal taq nimatinamit.
Eri Ministro Jiménez, pa le tzijob’el xub’ij, chewe ri komonchak tob’anem ri’ are kuya’o uchuq’ab’ kichak taq ri wokajilal man xaqt rech ketzukuxik rech keriq loq ri molaj winaq kakib’an ri k’ax, xane are rech kaq’atexik ri kib’e rech ke’ok tane’, rech keb’e tane’ keq’am b’i awan kunb’al. Xuquje’ sib’alaj xub’ij che kab’an ri k’uttijonem xuquje’ ri ub’anik ri utzilaj b’anowem tzukunik, ri chajinem xuquje’ ri uq’atexik b’anon k’ax kuq’atij ub’e ri chajinem ri’.
“E pa Iximulew, eri upatanexik we cholchak ri’ kamajjtaj ri’ pa le Aeropuerto Internacional La Aurora (AILA), ruk’ le ujipixik ri b’anoj chajinem pa taq k’ulb’a’til naqaj apan. Kuwaj k’ut sib’alaj kinb’ij che ri qachakunik pa amaq’el are rech kaqanimaj ri ya’tal chi kech uwinaqil tinamit jacha ri kub’ij pa le pixab’ taqanik pa tinamit xuquje’ pa taq nimatinamit, rech kataq ub’anik pa suk’ilal xuquje’ pa saqilal ri’”, xcha’ ri Ministro Jiménez ri’.
Are uwach taq ri cholchak ri’, ri q’atb’al tzij chajinel e taqom pa ri Oficina rech Aduanas rech Estados Unidos, e’are k’ut pa komonchak kuk’ ri rajchajinelab’ ri Wokajil Ajchajin Tinami (PNC) kuk’ ri e’ajno’j rajchakunelab’ ri Taqawokajil Ya’olchajinem pa Amaq’ ri’ rch utaqik kachajixik kato’ik ri winaqilal ri’ xuquje’ rech ri b’anoj chajinem pa rachoch uk’olib’al aeroportuario ri’.