Eri Ub’eyal Ub’anob’alil ri Transformación Policial are xtaq ub’anik rumal ri K’amal B’e Iximulew pa le reqele’n uchakunik ri Ministerio rech Gobernación ri’ rech utaqim ub’anik pa saqilal jun utzilaj uchak rech uloq’axik kuwach ri Wokajil Ajchajil Tinamit (PNC), pa ya’ik uchuq’ab’ ri chakunem rech uk’exik uwach we wokajilal ri’ rech kub’an jun chakunem rech q’atenik, tzukunik xuquje’ rech kucholalej ri b’anoj ya’olchajinem tinamit winaqil ri’.
Pa le b’anob’alil rech ri transformación ri’ k’o chik ri waqib’ uwach ri chakum ri’, are rech katob’anik pa le ya’ik chuq’ab’ uchak ri wokajilal ri’ xuquje’ ri ub’eyal chajinem winaqilal, kuk’ kijastaq kimeb’ilem, jeri’ rech uq’atexik ri b’anoj k’ax xuquje’ rech tik’ib’am uwach cholalejil pa tinamit.
Jo’ob’ uwach ub’anob’alil ri cholchak ri are wari’:
· Cholchak rech Ub’anob’alil Tijonem
· Cholchak rech pa Taqawokajil ruk’ wokomalil
· Cholchak rech Chajinik pa Taqawokajilal ri’
· Cholchak rech Uloq’axik uwach kichak ri e ajchajil tinamit
· Cholchak rech No’jb’anem (Tecnología) rech K’ak’ No’jtob’chakub’al
Chaweta’maj ri Ub’anob’alil ri Transformación Policial ri’
Eri chakum chik are la’ xuya’ uchuq’ab’ ri cholchaj rech taq tijonem, rech xb’an uwi katijoxik ri e ajchajil tinamit, rech xetijox chech nik’aj chik tzij ch’ab’alil rech naj, rech xetijox k’ak’ eqa’lenelab’, rech xkoj k’ak’ taq chakuja rech jipix uwach ri pwaq tojb’al chak, rech xkojik rachoch rech tijob’al kiwa e ajchajil tinamit pa taq ri sedes policiales ri’.
Xuquje’ sib’alaj xsuk’ub’ax pa taq le parque rech ketak’ab’ wi ri ch’ich’ rech wokajil chajinem, rech k’o kaya wi ri jastaq chakub’al ri’, eri cholchak rech yakoj ja are rech utz kek’oji wi ri e ajchajil tinamit xuquje’ ri winaqilal, rech utz ri tob’chakub’al kakojik pa le ya’olchajinem q’atenik, jeri’ rech kaya uwi kajil ri e ajchajil tinamit xuquje’ rech k’o utz chakunik rech salud policial kab’an ri’.
Eri Ub’anob’alil wari’ are rech kanimax ub’anik ri Cholchak rech Gobernabilidad xuquje’ Seguridad pa le Nim upatanik ri K’amal B’e rech Amaq’ pa 2020-2024 xuquje’ ri Ucholchakunik ri Taqawokajnem rech ri Ya’olchajinem pa Amaq’, rech pa jun eqele’nemtzij, ri k’o pa usaqilal ri’ xuquje’ rech pa ya’ol ub’ixik ri pwaq kasachataj ri’.