Eri Taqawokaj Japache’ Tz’apib’al, retal ub’i’ (SP) ke’ukojo e kajlajk’al wuqub’ (287) chi k’ak’ ajchajinelab’ japache’ ri’, e kajk’al job’ (85) chi ixoqib’ chi ke kuk’ e kajlajk’al keb’ chi achijab’ chi ke, ri sib’alaj kechajinik pa le japache’ ri’ rech pa amaq’ tinamit. Ri kinimaq’ij rech uch’akik no’jeta’mab’al kumal ri ujuk’al ub’elej jupuqil ri’ pa le parque Erick Barrondo, zona 7 rech ri nimatinamit.
Pa le utijoxik kanoq, eri kajlajk’al wuqub’ (287) ajch’akanelab’ no’jeta’mab’al xetijoxik, xkiya’o uchuq’ab’ kib’aqil xuquje’ rech ch’ojb’al, xkich’ob’ ukojik k’aqb’alil, tob’ab’al kib’ xuquje’ xktijoj kib’ pa le ucholajil taqanem pa tinamit aj iximulew. Eri tijonem ri’ xchuq’ab’irsaj ri keta’mab’al no’jib’al rech ke’ok che ri ajchajinelab’ pa le taqawokaj japache’ tz’apib’al.
Are wari’ ri jupuqil ajno’jeta’manel, ri juk’al kajlajuj (34) chi rajchajinelab’ ri ke’ok pa kawokajil ri Nimchuq’ab’il Chajinelab’ (Fuerzas Especiales), are chi’ xkik’is jun nim uchuq’ab’ katijoxik rech kakib’an ri puqtzukunem, ch’ojib’al xuquje’ xkichuq’ab’irsaj kib’aqilal rech kakib’an jun utzilaj b’anow chi kiwach ri nimak’ax pa le k’olib’alil ri japache’ tz’apib’al.
Pa le nimaq’ij ri’ xinab’ejsaj rib’ che ub’anik rumal ri k’amal b’e rech ri Amaq’, Bernardo Arévalo, ri xub’ij wa’: “Ruk’ ri ujuk’al ub’elej ri jupuq ajch’akonik ri’ kaya jun nim uchuq’ab’ wa’ ub’anik kicha’ik ri’ xuquje’ kab’an jun k’ak’ q’ijol tijonem rech ri taqawokaj japache’ tz’apib’al ri’ che ri ix kixtajin che majik ub’ank ri´.
En k’u ri’, le ministro rech Gobernación, a Marco Antonio Villeda, sib’alaj xub’ij che ri jupuq k’ak’ tzukunelab’ ri’ are uwach jun nimachak tajin pa le uq’ij ri k’ak’ q’atb’al tzij pa le tz’apib’al japache’ ri’. Ruma k’ut, xub’ij che tajin ub’anik rech ko’kisax jun k’aslemal pa le wokaj k’uttijonem chakub’al ri’ xuquje’ pa le ub’anik jun nim q’a’ttijonem ri’. “Ri ix, ix b’anol rech ri nimak’exow ri’”, xcha’.
Eri k’amal b’e rech ri Taqawokaj Japache’ Tz’apib’al, a Jorge López Dellachiessa, xub’ij che ri k’ak’ taq ajchajinelab’ sib’alaj kow katijoxik xb’anik rech b’a’ qas kena’w che uchuq’ab’isaxik ri chak nimanem pa japache’ tz’apib’al, rech kakichuq’ab’irsaj ri kib’aqil kich’akulal, rech kakikojo ri ch’ob’ow eta’manik xya’taj chi ke pa katijoxik, xuquje’ rech utz ri kichak rajawaxik kakib’ano. Xuquje’ xub’ij che ri chajinem ri’ are kawok uwach pa le ub’anik, eri ucholajil pa amaq’el kak’oji ruk’ ri ch’ajch’ob’el tijonik ri’, eri q’atb’al tzij are kab’an pa le nim upam ri taqanem tzij xuquje’ ri kub’al k’u’x are kuchuq’ab’irsaj ruk’ ri b’anom chak ri’.
Pa le b’anob’alil ri’ xek’oji ri viceministro rech Q’ateb’al K’ax, a Roberto Solórzano; ri viceministro Administrativo, a Kelvin Aguilar; ri k’amal b’e rech ri Taqawokaj Ajchajil Tinamit Civil (PNC), a Héctor Prera; xuquje’ ri k’amal b’e rech ri Escuela Penitenciaria ri’.
Xuquje’ xek’oji ri kachalal ri ajch’akonel tijonem kuk’ ri winaq e sik’im ri’.