Eri ajno’jinelab’ rech Amaq’ Iximulew ruk’ Amaq’ Uruguay xkitzijoj chi kuwach ri eta’mab’alil, ri no’jk’aslemam chak b’anom xuquje’ ri utzilaj taq banob’alil chi rij ri q’ateb’al ri k’ax pa nimab’e.
Eri Amaq’ Iximulew ruk’ ri Amaq’ Uruguay xkijaq uwach ri Riqonem Ib’ rech “Cooperación Técnica Internacional”, ri nim utaqim ya’ik uchuq’ab’ ri b’anow chakunem pa taqawokajilal pa ub’anik ri chajinem pa nimab’e xuquje’ ri uq’atexik ri riqon k’ax pa nimab’e kumal taq b’insam ch’ich’ pa amaq’ tinamit ri’. Rech ri 9 pa le 13 rech noviembre rech pa junab’ ri’ xb’an upatanexik ri Proyecto rech Cooperación Sur-Sur ri’.
Eri riqonem ib’ ri’ rech ke’umol ri ajtaqonel kuk’ ri ajno’jab’ rech ri keb’ taq amaq’ib’ nimatinamit ri’ rech man xaq ta xiw kuya uchuq’ab’ ri tob’anik chi kuxo’l ri keb’ amaq’ib’ nimatinamit, xane’ xuquje’ rech kuya che kakik’ex utzijoxik ri et’amanik, ri b’eyal chak xuquje’ ri utzilaj taq b’anow rech kuqasa ri k’axk’olil pa taq ri nimab’e.
Pa le uchaplexik ri chak xb’an le q’ij ri’ jawi’ xe’fopan wi pa ub’i’ ri Amaq’ Iximulew, ri k’amal b’e rech ri uq’ab’ chak rech Wokajil Chajinel Nimab’e (DT-PNC); a Carlos Fuentes, ri ukab’ k’amal b’e rech we uq’ab’ taqawokaj chak ri’, a Osman Esquivel; xuquje’ ri ukab’ k’amal b’e rech ri Ya’b’al Tob’anik pa ub’i’ ri Salud rech ri Instituto Guatemalteco rech Seguridad Social (IGSS), a Francisco Godínez ri’.
Ri ajtaqonel pa ub’i’ uruguaya xek’oji ri kamal b’e rech ri moloj Fundación Gonzalo Rodríguez; al María José Pessamo; pa ub’i’ ri Secretaría General Ejecutiva rech ri Unidad Nacional rech Seguridad Vial (UNASEV), xk’oji al María Fernanda Artagaveytia ri’. xuquje’ eri ajchomanel xopan pa ub’i’ ri Embajada rech Uruguay pa Iximulew, al Luis Enrique Pérez ri’.
Eri jun chomanik ri’ xuquje’ are kutzukuj uya’ik uchuq’ab’ jun utzilaj na’oj rech q’ateb’al k’ax, ukojik utzilalj taq b’e rech chajinem pa taq nimab’e, uchajixik ri kik’aslemal ri winaqil e b’inel pa taq ri nimab’e xuquje’ uq’atexik ri k’ax pa taq le b’e pa ronojel ri uwach ulew rech Iximulew.