Pa aninaqil k’ut xe’opan ri reqa’lenel ri División de Seguridad Turística (DISETUR), rech ri Wokajil Ajchajil Tinamit (PNC), xkiq’atij kukamisaj rib’ jun ixoq, ruk’ une’ uq’alim ri k’ate oxib’ u’ik’alil, ri xraj xkutzaq b’i rib’ pa uwi le nimaja palow pa le barrio El Laberinto, Puerto San José, Escuintla ri’.
Eri winaqilal e are xkib’ij loq pa aninaqil chi ke ri wokaj e ajchajil tinamit, ri xeb’e che utzukuxik pa le uchi’ le palow chi la’. Eri e ajchajil tinamit ri’, e are xkib’ochi’j uch’ab’exik, ri xekowon che ub’ochi’ixik rech kutzaq ta b’i rib’ pa uwi le palow. Te k’u ri’ xkik’am b’i le ixoq ruk’ ri alaj une’ pa jun k’olib’al rech xkikub’isaj k’u’x.
Are chi’ xkito’o, eri e ajchajinelab’ rech turismo ri’ e are xkitaq uk’amik e ajkunanelab’ rech rajwaxik kakikunaj le nan ixoq ruk’ ri alaj ral une’. Xuquje’ xkisik’ij rajchak ri Procuraduría General rech ri Amaq’ ruk’ ri Juez de Paz rech ri Puerto San José, pa kaq’ab’ ri’ xkijach wi le alaj ne’ ak’al k’ate oxib’ u’ik’al pa uq’ab’ le utat ri’.
Eri q’atb’al tzij xkib’ij, eri utat le alaj ne’ xub’ij che ri kachoch kariqitaj pa le zona 6 rech uk’u’x nimatinamit xuquje’ xub’ij eri e are xa’ xe’opan k’a chi la’ pa le uch’ nimapalow ri’ rech xkeche’j uk’owisaxik le uxlanem rech 15 de agosto kuk’ ri kachalal e kachalal chi la’.